ரயிலில் மோதி நபரொருவர் பலி – அரியாலையில் சோகம்!

Sunday, February 7th, 2021

யாழ்ப்பாணம் அரியாலையில் ரயிலில் மோதி நபரொருவர் பரிதாபமாக பலியாகியுள்ளார். குறித்த சம்பவம், இன்று முற்பகல் அரியாலை நாவலடியில் இடம்பெற்றுள்ளது.

மோட்டார் சைக்களிலில் சென்றுகொண்டிருந்த குறித்த நபர், பாதுகாப்பற்ற கடவையை கடக்க முற்பட்ட போதே ரயிலில் மோதி உயிரிழந்துள்ளார்.

உடுவிலைச் சேர்ந்த விஸ்வநாதன் பாலரூபன் என்ற 42 வயதுடைய நபரொருவரே இவ்வாறு உயிரிழந்துள்ளதாக பொலிஸார் தெரிவித்துள்ளனர்.

மேலும் இந்த சம்பவம் தொடர்பில் யாழ்ப்பாணம் பொலிஸார் மேலதிக விசாரணைகளை மேற்கொண்டு வருகின்றனர்

நாளை நமதே!.. எந்நாளும் நமதே!!..