வவுனியா வடக்கு மீள்குடியேற்றம் 15 ஆம் திகதி முதல் மீண்டும் ஆரம்பம்.   08.02.2010 - திங்கட்கிழமை   வவுனியா வடக்கில் மீள்குடியேற்றப்பட உள்ளவர்களுக்கென 8 ஆயிரத்து 900 வீடுகள் அமைத்துக் கொடுக்கப்படவிருப்பதாக அரசாங்கம் அறிவித்துள்ளது.   அரசாங்கத்தினால் முன்வைக்கப்பட்ட யோசனைகளுக்கமைய ஐரோப்பிய ஆணைக்குழு 3 ஆயிரத்து 900 வீடுகளையும் உலக வங்கி 5 ஆயிரம் வீடுகளையும் கட்டிக் கொடுக்க முன்வந்துள்ளன. இதன்மூலம் மீள்குடியேற்றப் பணிகள் துரிதப்படுத்தப்பட்டுள்ள அதேவேளை எதிர்வரும் 15 ஆம் திகதி முதல் வவுனியா வடக்கில் மீள்குடியேற்றப் பணிகள் மீண்டும் ஆரம்பிக்கப்படவிருப்பதாகவும் தெரிவிக்கப்பட்டுள்ளது.   வவுனியா நிவாரணக் கிராமங்களில் தற்போது சுமார் 75 ஆயிரம் பேரும் நண்பர்கள் மற்றும் உறவினர்கள் வீடுகளில் சுமார் 20 ஆயிரம் பேர் வரையிலுமே மீளக் குடியமர்த்தப்படவிருப்பதாக வவுனியா செயலக தகவல்கள் தெரிவிக்கின்றன. நிலக்கண்ணிவெடி அகற்றலில் ஏற்பட்ட தாமதத்தினால் சிறிய இடைவெளிக்குப் பின்னர் மீள்குடியேற்றப் பணிகள் கடந்த 02 ஆம் திகதி முதல் மீள ஆரம்பிக்கப்பட்டுள்ளன. கிளிநொச்சி முல்லைத்தீவு ஆகிய மாவட்டங்களில் கண்ணிவெடிகள் அகற்றப்பட்ட பகுதிகளில் கட்டம் கட்டமாக மீள்குடியேற்றங்கள் மேற்கொள்ளப்பட்டு வருகின்றன. கடந்த 02 ஆம் திகதி பூநகரிக்கு ஆயிரம் பேர் அனுப்பி வைக்கப்பட்டனர். அதேவேளை இன்றையதினம் கிளிநொச்சி மாவட்டம் கரைச்சி பிரதேசத்தில் உறவினர்கள் மற்றும் நண்பர்கள் வீட்டில் தங்கியிருக்கும் 300 குடும்பங்கள் மீளக்குடியமர்த்தப்படவிருப்பதாகவும் தெரிவிக்கப்பட்டுள்ளது.         Related Sites: Anandasangaree, Asiantribune,  Athirady, Colombopage, Eeelanaasam, Engaltheaasam,  Ilakku, PresidentSL, Thayagam, Theerppu, Thenee, Tirradio, Telonews   121, Park Road, Colombo - 05, Sri Lanka. Tel: 94 11 2551015, 2593515 Fax:  94 11 2585255 , 2596741 E-Mail: epdp@sltnet.lk  © 2008 www. epdpnews.com, All Rights Reserved.