seksseksseksadult
Home English Tamil
     
   
 
 தமிழ்மக்கள் புதிய அரசியல் கலாசாரத்தினை கடைப்பிடிக்கவேண்டும் - ஈ.பி.டி.பி பாராளுமன்ற உறுப்பினர் சந்திரகுமார்.
 27.03.2015 - வெள்ளிக்கிழமை

தமிழர் அரசியலில் புதிய அரசியல் கலாசாரம் உட்கொண்டுவரப்பட வேண்டும் அதுவே காலம் காலமாக தமிழ்மக்கள் எதிர்கொண்டுவரும் அரசியல் பிரச்சினைகளுக்கு தீர்வைப் பெற்றுத்தரும் அதேவேளை பாதிக்கப்பட்ட எமது இனத்தின் விடிவிற்கும் வழிவகுக்கும.; என ஈ.பி.டி.பி பாராளுமன்ற உறுப்பினரும் பாராளுமன்றக் குழுக்களின் பிரதித்தலைவருமான முருகேசு சந்திரகுமார் அவர்கள் தெரிவித்துள்ளார்.

நேற்று பெரிய பரந்தனில் 27 இலட்சம் ரூபா செலவில் நிர்மாணிக்கப்பட்ட பொது நோக்கு மண்டபத்தினைத் திறந்துவைத்து உரையாற்றும்போதே அவர் இவ்வாறு தெரிவித்தார்.

அங்கு அவர் மேலும் உரையாற்றுகையில், ஒரு மக்கள் பிரதிநிதி தன்னை நம்பிவரும் மக்களுக்கு வாக்குறுதியளித்தால் அதனை நிறைவேற்றவேண்டும் அதற்கான உழைப்பை செலுத்தவும் அதற்காக பாடுபடவும் அந்தப்பிரதிநிதி தயாராக இருக்க வேண்டும். ஆனால் துரதிஸ்டவசமாக பாரம்பரிய தமிழர் அரசியல் தளம் அவ்வாறு அமையவில்லை பல அரசியல்வாதிகள் தமது சக்திக்கு அப்பாற்பட்ட விடயங்களை நிறைவேற்றித்தருவதாக மக்களிடம் வாக்குறுதியளித்து  வாக்குகளை அபகரித்துவிடுவார்கள் ஆனால் அந்த வாக்குறுதியை நிறைவேற்றுவதற்காக அவர்கள் துளியேனும் உழைக்க மாட்டார்கள்.  எனவே ஏமாற்றுக்காரர்களின் மூளைச்சவலைக்குப் பலியான மக்கள் அடுத்த ஐந்து ஆண்டுகாலம் வரை ஏக்கத்தோடு காத்திருக்க நேரிடுகின்றது.

எனவே மக்கள் தமக்காக உழைக்கக்கூடிய மனப்பக்குவமும் வினைத்திறனும் கொண்டவர்களை தமது அரசியல் தலைவர்களாக தெரிவு செய்ய வேண்டும். மக்களின் கைகளில் இருக்கும் வாக்குப்பலம் என்பது மிக வலிமையானது ஆனால் அதனைக்கூட காலத்திற்கு காலம் பல அரசியல் தலைமைகள் ஏமாற்றிப் பறித்துக்கொள்கின்றன எனவே தமிழர் அரசியலில் புதிய அரசியல் கலாசாரம் உட்கொண்டுவரப்பட வேண்டும் அதுவே காலம்காலமாக தமிழர்கள் எதிர்கொண்டுவரும் அரசியல் பிரச்சினைகளுக்கு தீர்வைப் பெற்றுத்தரும் அதேவேளை பாதிக்கப்பட்ட எமது இனத்தின் விடிவிற்கும் வழிவகுக்கும் எனக் குறிப்பிட்ட பாராளுமன்ற உறுப்பினர் மு.சந்திரகுமார் அவர்கள்

மீள்குடியேறிய காலத்தையும் இன்றுள்ள நிலைமைகளையும் ஒப்பிட்டு நோக்குமிடத்து பெரியபரந்தனில் ஏற்பட்டுள்ள முன்னேற்றங்களையும் மாற்றங்களையும் மக்கள் உணர்வார்கள். இருப்பினும் பெரியபரந்தன் போன்ற பின்தங்கிய கிராமங்கள் இன்னமும் முழுமையான அபிவிருத்தி நிலைமையை எட்டிவிடவில்லை. ஆயினும் மக்களின் அடிப்படைத் தேவையின் ஒரு பகுதியேனும் நிறைவேற்றப்பட்டிருக்கின்றது. சில அரசியல் தரப்புகள் கூறுவதைப்போன்று இன்றும் வெறும் அவலமே எஞ்சியுள்ளதாகக் கூறப்படுவதில் எந்தளவிற்கு உண்மை இருக்கின்றது என்பதை மனசாட்சி உடைய அனைவரும் அறிவர். இருப்பினும் பெரியபரந்தன் மக்கள் இன்னும் பல முதன்மைத் தேவைகளை எதிர்நோக்கியவாறே வாழ்ந்து கொண்டிருக்கின்றனர்.

இங்கு சுமார் நூறு வரையான குடும்பங்களைச் சேர்ந்த மக்கள்  காணி இன்றி வாழ்;கின்றனர். அதுமட்டுமன்றி மத்திய வகுப்புத் திட்டக் காணிகளில் வாழ்கின்ற பலர் காணி உரிமங்களைப் பெறமுடியாதவர்களாக உள்ளனர்;. அதாவது கண்டாவளைப் பிரதேச செயலர் பிரிவில்  சுமார் 1300 வரையான குடும்பங்களைச் சேர்ந்த மக்கள் மத்திய வகுப்புத் திட்டக் காணிகளில் வாழ்கின்றார்கள். அவர்களுக்கான காணி உரிமங்களைப் பெற்றுக் கொடுப்பதற்கூடாகவே அவர்கள் எதிர்கொள்ளும் பல்வேறு பிரச்சினைகளுக்கு தீர்வுகாண முடியும். அதற்கமைவாக நாம் பல்வேறு நடவடிக்கைகளை கடந்த முன்று வருடங்களாக தொடர்ச்சியாக மேற்கொண்டு வருகின்றோம். ஆனால் அதற்குப் பெரும்சவாலாக தமிழ்த்தேசியக்கூட்டமைப்பின் சில அரசியல்வாதிகள் செயற்பட்டுவருகின்றார்கள்.

அந்த விடயத்தில் முன்னேற்றத்தை எட்டு முனைகின்ற ஒவ்வொரு சந்தர்ப்பங்களிலும் அவர்கள் ஏதோ ஒரு வகையில் தடைகளை ஏற்படுத்தி வருகின்றார்கள். ஆனால் மனிதாபிமான அடிப்படையில் நோக்கினால் அந்தக்காணிகள் நீண்டகாலமாக குடியிருக்கும் மக்களுக்கு வழங்கப்பட வேண்டும் என்பதே நியாயமான தீர்வாக அமையும். மாறாக பல தசாப்தங்களுக்கு முன்னர் நாட்டைவிட்டு வெளியேறியவர்களுக்கு இங்கு சொத்துக்களை பாதுகாத்துக்கொடுக்க வேண்டிய பொறுப்பை ஏற்றிருக்கும் பாராளுமன்ற உறுப்பினர் சிலர் அதற்கு தடையாக உள்ளனர். அதன் உச்ச கட்டமாக  முன்னாள் நீதியமைச்சர் அவர்களின் ஆதரவோடு தமிழ்த்தேசியக் கூட்டமைப்பின் பாராளுமன்ற உறுப்பினர்களான சம்மந்தன் மற்றும் சுமந்திரன் போன்றவர்கள் பாராளுமன்றில் ஆட்சியுரிமைச்சட்ட மூலமும் என்ற ஒரு சட்டமூலத்தை  நிறைவேற்ற முனைந்தனர் அதனை நாங்கள் எதிர்த்தோம்.

அந்த சட்டம் நடைமுறைக்கு வந்திருந்தால் இன்று வன்னியில் பெருநிலப்பரப்பில் வாழ்கின்ற பல ஆயிரக்கணக்கான மக்கள்  இருப்பிடமற்று ஏதிலிகளாக தெருவுக்கு கொண்டுவரப்படுவார்கள். இந்த நிலைமையை உருவாக்கவே அவர்கள் முனைகின்றார்கள். ஆனால் பாதிக்கப்பட்ட மக்களுக்கு நியாயம் கிடைக்க வேண்டி எம்மால் முன்னெடுக்கப்பட்டுவரும் செயற்பாடுகள் எதுவித தளர்வும் இன்றி தொடர்ந்தவண்ணமே உள்ளன. அதன் ஒரு கட்டமாக திட்டக்காணிகளில் வாழ்கின்ற மக்களின் நிலைமைகளை காணி ஆணையாளரின் நேரடி அவதானிப்புக்கு கொண்டுவரும் வகையில் சிவபுரம் பகுதிக்கு அவரை கடந்த 23 ஆம் திகதி அழைத்துச் சென்றிருந்தோம். ஆனால் அம்மக்களை இருப்பிடமின்றி அனாதரவாக்கும் சதித்திட்டங்களைத்தீட்டிவரும் பாராளுமன்ற உறுப்பினர் ஒருவர் நடைமுறையில் அந்த மக்களிடமிருந்து காணிகளை பறிக்கும் செயற்பாட்டில் ஈடுபட்டுக்கொண்டு மக்கள் மத்தியில் சென்று மக்களுக்கே காணி வழங்கப்படவேண்டுண்டும் என்பதை ஆதரிப்பதாகவும் உண்மைக்குப்புறம்பாக பேசிவருகின்றார்.

உண்மையில் தமிழ்மக்களின் இருப்பை கேள்விக்குறியாக்கும்  முயற்சியிலேயே இவ்வாறான அரசியல்வாதிகள் ஈடுபட்டுவருகின்றார்கள் ஆனால் தமிழ் தேசியம் பற்றிப் பேசவும் அவர்கள் பின்நிற்பதில்லை. அவர்கள் மக்களுக்கு எதுவுமே கிடைத்துவிடாத மேலும் அவல வாழ்வை வலுப்படுத்துகின்ற அரசியல் பாரம்பரியத்தின் அடிப்படையிலேயே இன்றும் செயற்பட்டுக் கொண்டிருக்கின்றார்கள் எனவும் குறிப்பட்டார்.

அத்தோடு இந்தவருடம் ஐனவரிக்குப் பின்னர் இன்றுவரை அபிவிருத்திக்கு சிறிதளவு நிதியும் ஒதுக்கீடு செய்யப்படவில்லை இந்தநிலையில் பெரிய பரந்தன் உட்பட பல கிராமங்கள் வீதிகள் உள்ளிட்ட பல தேவைகளை நிவர்த்தி செய்யமுடியாத நிலையில் உள்ளன. எனவே அபிவிருத்தியில் தாமதிக்கப்படும் ஒவ்வவொரு மணி நேரமும் எமது மக்களின் அவலங்களுக்கு அத்திவாரமிடும் நேரங்களாகவே அமையும் என்பதை நாம் வலியுறுத்திவருகின்றோம். எனவும் பாராளுமன்ற உறுப்பினர் மு.சந்திரகுமார் அவர்கள் மேலும் தெரிவித்தார்.

இதேவேளை இந்திய வீட்டுத்திட்டத்தின் புள்ளியிடல் நடைமுறைக்கமைவாக வீடுகளை பெறமுடியாதவர்களுக்கு வீடுகளைப் அமைத்துக் கொடுப்பதற்கான நடவடிக்கைகளை மேற்கொள்வதாகவும் மற்றும் இதுவரை மின் இணைப்புக்களைப் பெற்றிராத குடும்பங்களுக்கு ஏப்ரல் ஐந்தாம் திகதிக்கு முன்னர் மின் இணைப்புக்களை வழங்க நடவடிக்கை எடுப்பதாகவும் குறிப்பிட்ட பாராளுமன்ற உறுப்பினர் மு.சந்திரகுமார் அவர்கள் கடந்த காலங்களில் எம்மால் பெற்றுக்கொடுக்கப்பட்ட நிதிமூலம் முன்னெடுக்கப்பட்டுவரும் வேலைத்திட்டத்திற்கமைவாக பெரிய பரந்தனுக்கான வீதிப்புனரமைப்புப்பணியும் மேற்கொள்ளப்படும் எனவும் தெரிவித்தார்.

பெரிய பரந்தன் கிராமத்திற்கு பாராளுமன்ற உறுப்பினர் மு.சந்திரகுமார் அவர்களின் விசேட நிதி ஒதுக்கீட்டின் கீழ் சுமார் இரண்டு இலட்சத்தி இருபத்தையாயிரம் ரூபா செலவில் தகரக் கொட்டகை ஒன்றும் 100 கதிரைகளும் வழங்கப்பட்டுள்ள. அதேவேளை  குறித்த கிராமஅபிவிருத்தி சங்கத்தின் செயற்பாட்டுக்காக ஒலிபெருக்கி சாதனத்தொகுதி ஒன்றினை வழங்குவதற்காக வடக்கு மாகாணசபை உறுப்பினர் வை.தவநாதன் அவர்கள் சுமார் ஐம்பதாயிரம்; ரூபா நிதியினை ஒதுக்கீடுசெய்வதாகவும்  அங்கு உரையாற்றும் போது உறுதியளித்தார்.

யு.என்.கபிடாட் நிறுவனத்தின் அனுசரனையுடன் சுமார் 27 இலட்சம் ரூபா செலவில் பெரிய பரந்தன் கிராமத்திற்கான பொதுநோக்குமண்டபம் அமைக்கப்பட்டது. பாராளுமன்ற உறுப்பினரும் பாராளுமன்றக் குழுக்களின் பிரதித்தலைவருமான மு.சந்திரகுமார் அவர்கள் திறந்துவைத்தார்.

இந்நிகழ்வில் வடக்கு மாகாண சபை உறுப்பினர் வை.தவநாதன், கரைச்சி பிரதேச சபை உறுப்பினர் மனோகரன், கிராம சேவையாளர் காண்டீபன், முன்னாள் உதவிக் கல்விப் பணிப்பாளர் ம.பத்மநாதன் மற்றும் பொது அமைப்புக்களின் பிரதிநிதிகள் பொதுமக்கள் எனப் பலர் கலந்துகொண்டனர்.







 பொலிகண்டி மேற்கு செம்மீன் விளையாட்டு கழகத்தின் உடற்பயிற்சி கூடம் திறந்து வைப்பு!
 27.03.2015 - வெள்ளிக்கிழமை

பொலிகண்டி மேற்கு செம்மீன் விளையாட்டு கழகத்தின் உடற்பயிற்சி கூடத்தை ஈழ மக்கள் ஜனநாயகக் கட்சியின் வடமராட்சி அமைப்பாளர் சிறிரங்கேஸ்வரன் திறந்து வைத்தார்.

ஈழமக்கள் ஜனநாயகக் கட்சியின் செயலாளர் நாயகம் டக்ளஸ் தேவானந்தா அவர்களது 2014 ஆம் ஆண்டு பன்முகப்படுத்தப்பட்ட வரவு செலவு திட்ட நிதியூடாக 80000 ரூபா பெறுமதியான உடற்பயிற்சி நிலையத்திற்கான உபகரணங்களும் வழங்கப்பட்டன. 

செம்மீன் விளையாட்டுக் கழகத் தலைவர் தங்கவேலாயுதம் தலைமையில் நடைபெற்ற நிகழ்வில் கிராம சேவையாளர் தவநேசன் ஈழமக்கள் ஜனநாயகக் கட்சியின் கரையோர அமைப்பாளர் பிரான்சிஸ் ரட்ணகுமார் ஆகியோர் கலந்து கொண்டனர்.





 மாணவர்களின் குடிநீரில் நஞ்சுகலந்த கொடிய செயலுக்கு பொறுப்பானவர்களை தவிர்த்து இன்னொருவர் மீது பழிசுமத்தும்  பின்னணி என்ன?..
 27.03.2015 - வெள்ளிக்கிழமை

ஏழாலை சிறிமுருகன் பாடசாலை குடிநீரில் நஞ்சுகலந்த கொடிய செயலுக்கு பொறுப்பானவர்களை தவிர்த்து இன்னொருவர் மீது பழிசுமத்தும் பின்னணி என்ன என்று கேள்வி எழுப்பி ஈழ மக்கள் ஐனநாயகக் கட்சியின் தேசிய அமைப்பாளர் பசுபதிசீவரத்தினம் அவர்கள் ஊடகங்களுக்கான அறிக்கையில் தெரிவித்துள்ளார்.

மேலும் அந்தஅறிக்கையில்,..

இச்சம்பவம் குறித்து ஏற்கனவே இருவர் பொலிசாரால் கைதுசெய்யப்பட்டு பின்னர் விடுவிக்கப்பட்ட நிலையில், அப்பாடசாலையில் கல்விபயிலும் ஒர் மாணவியின் தந்தையும் சந்தேகத்தின் பேரில் கைதுசெய்யப்பட்டு பின் விடுவிக்கப்பட்டுள்ளார்.

இந்நிலையில் கைது செய்யப்பட்டவர்களில் ஒருவர் எனதுதம்பி என்றும்,
அதை எமது கட்சியோடு சம்பந்தப்படுத்தியும் ஆதாரமற்ற ஒர் செய்தியை குளோபல் இணையத்தளத்தின் ஊடாகவும் வேறுசில இணையத்தளங்கள் ஊடாகவும் பரப்பும் செயலானது பெரும் அதிர்ச்சியையும் சந்தேகங்களையும் மயிலங்காட்டு மக்கள் மத்தியில் உருவாக்கியுள்ளது.

தமிழ் பேசும் மக்களின் அரசியலுரிமை தீர்வுக்காகவும், அபிவிருத்திக்காகவும், வறியமக்களின் சமூக பொருளாதார மீட்சிக்காகவும் அர்ப்பணிப்போடு உழைக்கும் ஈழமக்கள் ஐனநாயகக் கட்சியின் மூத்தஉறுப்பினர் என்றவகையிலும் இவ்விடயம் குறித்து பதில் கூற விரும்புகிறேன்.

எனக்கு ஓர் தம்பி மயிலங்காட்டிலோ அன்றிவே றேங்குமோ இல்லை என்பதுநான் என்றுமே ஒட்டி உறவாடிக்கொண்டிருக்கும் மயிங்காட்டுமக்கள் உட்பட சகலரும் நன்கறிந்தவிடயம்.

ஏழாலை சிறிமுருகன் வித்தியாலய மாணவர்களது குடிதண்ணீரில் நஞ்சு கலக்கப்பட்ட கொடிய செயலுக்கு தார்மீகப் பொறுப்பு கூற வேண்டியகடமைப்பாடு மாகாணசபைக்கும், பிரதேசசபைக்கும்தான் உண்டு என்பது
சகலரும் ஏற்றுக்கொண்ட உண்மை.

ஆனாலும் எமது மாணவச்செல்வங்கள் பருகும் குடிநீரில் நஞ்சு கலந்த கொடிய செயலுக்கு காரணமானவர்களை கைது செய்துசட்டத்தின் முன் நிறுத்த வேண்டியதன் அவசியத்தை வலியுறுத்த வேண்டிய பொறுப்பு எமக்கும் உண்டு.

இந்நிலையில், உண்மையான குற்றவாளிகளை சட்டத்தின் முன் நிறுத்த ஒத்துழைப்பதற்கு மாறாக அதற்கான பழியை இன்னொருவர் மீதுசுமத்த முயற்சிப்பதன் பின்னணி என்ன என்பது ஆழமான சந்தேகங்களை ஏழாலைமக்களின் மனங்களில் ஏற்படுத்தியுள்ளது.

சாதாரணகுடிமக்களின் உயிர் இழப்புக்களையும் அவலங்களையும் வைத்து நடாத்தும் சுயலாப அரசியலில் ஈ,பி.டி.பி எப்போதும் ஈடுபட்டதில்லை. அரசியல் தீர்வுமட்டுமன்றி அழிவுகளில் இருந்துமீண்டெழும் அவலமற்ற வாழ்வும், மக்களின் வாழ்வியல் சார்ந்த பொருளாதார அபிவிருத்திப் பணிகளுமே ஈ.பி.டி.பி கட்சியின் அரசியல் பணியாக அன்றுதொட்டு இன்றுவரைஉள்ளது.

அந்தவகையில் எமது செயலாளர் நாயகம் டக்ளஸ் தேவானந்தா அவர்களின் வழிகாட்டலில் ஏழாலை சிறிமுருகன் வித்தியாலயத்திற்கு கட்டிடங்களை அமைத்துக் கொடுத்து அப்பாடசாலையை 11 ம் ஆண்டுவரை தரமுயர்த்தியது ஈ.பி.டி.பி தான் என்பதையும், மயிலங்காட்டு பெண்களுக்கு சுயதொழில் வாய்ப்புக்களை இயன்றவரை ஏற்படுத்தி கொடுத்து வருவது ஈ.பி.டி.பிதான் என்பதையும் மயிலங்காட்டு மக்கள் நன்கறிவர்.

இந்நிலையில் ஏழாலை மயிலங்காடு சிறிமுருகன் வித்தியாலயத்தில் கல்விகற்கும் எமது வருங்கால சின்னஞ்சிறு பூக்களின் உயிருக்கு ஆப்புவைக்க முயன்று, அரக்கத்தனமான அந்த கொடிய செயலை தமதுபதவி நாற்காலிகளுக்காக பயன்படுத்த முயலும் மிகமோசமான செயலைவன்மையாகக் கண்டிக்கின்றேன்.

இவ்வாறு தெரிவித்திருக்கும் ஈழ மக்கள் ஐனநாயகக் கட்சியின் தேசியஅமைப்பாளர் பசுபதிசீவரத்தினம் அவர்கள் உண்மையானகுற்றவாளிகளை காவற்துறையினர் விரைவாக கண்டுபிடித்து சட்டத்தின் முன் நிறுத்தவேண்டும் எனவும் தெரிவித்துள்ளார்.


 இறுதிப்போட்டிக்குள் நுழைந்தது அவுஸ்திரேலியா!
 26.03.2015 - வியாழக்கிழமை

சிட்னி நகரில் நடந்த 2 வது உலகக்கிண்ண அரையிறுதியில் அவுஸ்திரேலியா 95 ஓட்டங்கள் வித்தியாசத்தில் இந்தியாவை வீழ்த்தி இறுதிப் போட்டிக்குள் நுழைந்தது.

உலகக்கிண்ணத் தொடரில் சிட்னி மைதானத்தில் நடைபெற்று வரும் 2வது அரையிறுதி ஆட்டத்தில், இந்தியா - அவுஸ்திரேலிய அணிகள் மோதின.

இதில் நாணய சுழற்சியில் வென்ற அவுஸ்திரேலியா, முதலில் துடுப்பெடுத்தாட முடிவு செய்தது. அதன்படி தொடக்க ஆட்டக்காரர்களாக ஆரோன் பின்ஞ், வார்னர் களமிறங்கினர்.

வார்னர் தொடக்கத்திலே அதிரடியை தொடர்ந்தார். 7 பந்துகளில் 12 ஓட்டங்கள் 1 சிக்சர், 1 பவுண்டரி குவித்த போது, உமேஷ் பந்தில் ஆட்டமிழந்தார்.

இதன் பின்னர் ஸ்டீவன் சுமித் ஆரோன் பின்ஞ் உடன் ஜோடி சேர்ந்தார். இருவரும் இந்திய பந்துவீச்சை எளிதாக சமாளித்தனர். இந்த ஜோடியை பிரிக்க அணித்தலைவர் டோனி பல வியூகம் செய்தும் அவருக்கு ஏதும் கைகொடுக்கவில்லை.

பின்னர் சிறப்பாக விளையாடிய ஸ்டீவன் சுமித் சதம் விளாசினார். 93 பந்துகளில் 105 ஓட்டங்கள் 11 பவுண்டரி, 2 சிக்சர் குவித்த போது உமேஷ் பந்தில் வெளியேறினார்.

இதைத் தொடர்ந்து மேக்ஸ்வெல், பின்ஞ் உடன் ஜோடி சேர்ந்தார். அதிரடியை தொடர்ந்த மேக்ஸ்வெல் 14 பந்துகளில் 23 ஓட்டங்கள் 3 பவுண்டரி, 1 சிக்சர் சேர்த்த போது அஸ்வின் சுழலில் சிக்கினார்.

மறுமுனையில் பொறுமையாக விளையாடி வந்த பின்ஞ் 81 ஓட்டங்களில் 7 பவுண்டரி, 1 சிக்சர் ஆட்டமிழந்து சதத்தை தவறவிட்டார். அடுத்து வந்த அணித்தலைவர் கிளார்க் 10 சொபிக்கவில்லை.

இதனையடுத்து வாட்சனும், பால்க்னரும் ஜோடி சேர்ந்து ஓட்டங்கள் குவிப்பில் இறங்கினர்.

அதிரடியாக விளையாடிய பால்க்னர் 12 பந்துகளில் 21 ஓட்டங்கள் குவித்த போது உமேஷ் பந்தில் பவுல்ட் ஆனார். அஸ்வின் பந்தில் இமாலய சிக்சர் விளாசிய வாட்சன் 28 மொகித் சர்மாவின் வேகத்தில் நடையை கட்டினார்.

அவுஸ்திரேலியா 50 ஓவர்கள் முடிவில் 7 விக்கெட் இழப்பிற்கு 328 ஓட்டங்களை குவித்துள்ளது.

ஹட்டின் 7 ஓட்டங்களுடனும், ஜான்சன் 9 பந்துகளில் 27 ஓட்டங்களுடனும் ஆட்டமிழக்காமல் இருந்தனர். இந்தியா சார்பில், உமேஷ் 4, மொகித் சர்மா 2, அஸ்வின் 1 விக்கெட்டுகளை வீழ்த்தி இருந்தனர்.

பின்னர் சற்று கடின இலக்கை துரத்திய இந்திய அணிக்கு தவான், ரோகித் ஜோடி சிறப்பான தொடக்கத்தை தந்தது. தவான் 45 ஓட்டங்களில் ஆட்டமிழந்தார். இவரைத் தொடர்ந்து வந்த கோஹ்லி (1) ஜான்சன் வேகத்தில் அவுட்டானார்.

ரோஹித் சர்மா 34, ரெய்னா 7 நிலைக்கவில்லை. அணித்தலைவர் டோனியுடன் ஜோடி சேர்ந்த ரகானேவும் 44 ஓட்டங்களில் ஆட்டமிழந்தார். அடுத்து வந்த ஜடேஜா சிறப்பாக விளையாடி வந்த நிலையில் ஓட்ட முறையில் வெளியேறினார்.

கடைசி வரை இந்திய அணிக்காக போராடிய அணித்தலைவர் டோனியை (65) மேக்ஸ்வெல் ஓட்ட முறையில் ஆட்டமிழக்க செய்தார்.

இவரைத் தொடர்ந்து அஸ்வின் 5 சமி 1 மொகித் சர்மா 0, உமேஷ் 0 ஆட்டமிழக்க இந்திய அணி 46.5 ஓவர்களிலே அனைத்து விக்கெட்டுகளையும் இழந்தது.

இதனால் அவுஸ்திரேலியா 96 ஓட்டங்கள் வித்தியாசத்தில் வெற்றி பெற்று இறுதிப் போட்டிக்கு தகுதி பெற்றது.

வருகின்ற 29ம் திகதி மெல்போர்ன் மைதானத்தில் நடக்கவிருக்கும் இறுதிப் போட்டியில் அவுஸ்திரேலியா, நியூசிலாந்தை சந்திக்கிறது.


 தந்திரோபாயமாக நாம் பெற்ற  வெற்றிகளுக்கு சிலர் புத்திசாலிதனமற்ற நடவடிக்கைகளால் தடைகளை ஏற்படுத்துகின்றனர் - ஈ.பி.டி.பி பாராளுமன்ற உறுப்பினர் மு.சந்திரகுமார்.
 26.03.2015 - வியாழக்கிழமை

மக்களுக்காக தந்திரோபாயமாக நாம் பெற்ற வெற்றிகளை சிலர் தங்களின் புத்திசாலிதனமற்ற நடவடிக்கைகள் மூலம் தடைப்படுத்தி வருகின்றனர். இதனால் மக்களுக்கு ஏற்பட்ட முன்னேற்றங்கள் தடைப்பட்டிருக்கின்றன என ஈ.பி.டி.பி பாராளுமன்ற உறுப்பினரும், பாராளுமன்றக்குழுக்களின் பிரதித் தலைவருமான முருகேசு சந்திரகுமார் அவர்கள் தெரிவித்துள்ளார்.

இன்றைய தினம் (26) இயக்கச்சி சந்தியில் இராணுவத்தின் பயன்பாட்டில் காணப்பட்ட கடைத்தொகுதியினை மீளப் பெற்று அதனை சங்கத்தார்வயல் - இயக்கச்சி  கடற்றொழிலாளர் சங்கத்திற்கு கையளித்து உரையாற்றும் போதே அவர் இவ்வாறு தெரிவித்துள்ளார்.

அங்கு அவர் மேலும் தெரிவிக்கையில் மக்களின் தேவைகளை உணர்ந்து அவர்களின் பிரச்சினைகளை தீர்க்கும் வகையில் விவேகமான செயற்பாடுகள் மூலம் பல வெற்றிக்களை பெற்றுள்ளோம். வலி வடக்கில் 24 கிராம அலுவலர் பிரிவுகளை விடுவித்திருந்தோம். கிளிநொச்சியில் அறுநூறு ஏக்கர் காணியை மீட்டு அதனை பல்கலைகழகமாக மாற்றியது முதல் இயக்கச்சி சந்தியை பெற்று மீளவும் மக்களிடம் கையளித்தமை உள்ளிட்ட பல உதாரணங்களை கூறிக்கொண்டே போகலாம். இது எங்களின் தந்திரோபாய நடவடிக்கைகளின் மூலமாக பெறப்பட்ட வெற்றியே. இதுவே தமிழ் மக்களுக்கு தேவையான

அணுகுமுறையுமாகும். ஆனால் இங்கு சிலர் தங்களின் விவேகமற்ற நடவடிக்கைகளால் எல்லாவற்றையும் குழப்பி  கிடைப்பவற்றுக்கும் தடையை ஏற்படுத்தி வருகின்றனர் எனத்தெரிவித்த பாராளுமன்ற உறுப்பினர் மு. சந்திரகுமார்,

மக்களின் பிரச்சினைகளை தங்களின் அரசியலுக்காக பயன்படுத்துவதனை விடுத்து அந்த பிரச்சினைகளை எவ்வாறு தீர்த்து  வைக்கலாம் என்பது பற்றிச் சிந்தித்து செயற்படவேண்டும். காணிப் பிரச்சினை, காணமல்போனோர் பிரச்சினை,  அரசியல் கைதிகளின் பிரச்சினை என பல்வேறுப்பட்ட பிரச்சினைகளுடன் வாழும் மக்களை சில தரப்புகள் தங்களின் அரசியலுக்காக தொடர்ச்சியாக பயன்படுத்தி வருகின்றனர். இந்த மக்களுடைய பிரச்சினைகளுக்கு இவர்கள் ஒரு போதும் தீர்வைக் காணப்போவதில்லை. இவர்கள் எப்பொழுதும் மக்களுக்கு பிரச்சினைகள் இருப்பதனையே விரும்புகின்றனர் இதனால் அந்த பிரச்சினைகளை தீர்ப்பதற்கு பதிலாக அவற்றை மேலும் சிக்கலாக்கும் நடவடிக்கைகளையே முன்னெடுத்து வருகின்றனர். இதனை மக்கள் நன்கு புரிந்துகொள்ள வேண்டும் எனவும் தெரிவித்தார்.

சங்கத்தார்வயல் கடற்றொழிலாளர் கூட்டுறவுச் சங்கத்தின் தலைவர் சிவலிங்கம் தலைமையில் இடம்பெற்ற இந்த  நிகழ்வில் வடக்கு மாகாண சபை உறுப்பினர் வை.தவநாதன், பச்சிலைப்பள்ளி பிரதேச சபை உறுப்பினர்களான அன்ரன் அன்பழகன், இராசதுரை, இயக்கச்சி வணிகர் சங்கத்தலைவர் பொன் மகாலிங்கம், பச்சிலைப்பள்ளி கடற்றொழிலாளர் கூட்டுறவு சங்கங்களின் சமாசத் தலைவர் தில்லைக்குமார், இயக்கச்சி மாதர் கிராம அபிவிருத்திச் சங்கத் தலைவி ரதீஸ்வரி, கோவில் வயல் கமக்காரர் அமைப்பின் தலைவர் க.கயிலாசபிள்ளை, இயக்கச்சி கிராம அபிவிருத்திச் சங்கத்தலைவர் வே. சிவராசா மற்றும் பொது மக்கள் எனப் பலர் கலந்துகொண்டனர்.







 காணாமல் போனோர் தொடர்பில் ICRC யின் செயற்பாட்டிற்கு முழுமையான ஒத்துழைப்பு வழங்கப்படும் - ஈ.பி.டி.பியின் செயலாளர் நாயகம்
 26.03.2015 - வியாழக்கிழமை

இலங்கையில் போரின்போது காணாமல் போனவர்களை கண்டுபிடிக்கும் செயற்பாட்டுக்கு உதவத் தயாரென சர்வதேச செஞ்சிலுவைச் சங்கம் தெரிவித்திருக்கும் கூற்றைத் தாம் வரவேற்பதாகவும், இதற்கு முழுமையான பங்களிப்பு வழங்கப்படுமெனவும் ஈ.பி.டி.பியின் செயலாளர் நாயகம் டக்ளஸ் தேவானந்தா அவர்கள் தெரிவித்துள்ளார்.

காணாமல் போனவர்களை கண்டுபிடிக்கும் செயற்பாட்டுக்கு உதவத் தயாரென அண்மையில் சர்வதேச செஞ்சிலுவைச் சங்கம் தெரிவித்துள்ள நிலையிலேயே அவர் மேற்கண்டவாறு தெரிவித்துள்ளார்.

இந்நாட்டில் பல தசாப்த காலமாக இடம்பெற்ற யுத்தம் காரணமாக வடக்குக் கிழக்கு உள்ளிட்ட நாட்டின் ஏனைய பகுதிகளில் தமிழ் பேசும் மக்கள் விலை மதிக்க முடியாத தமது உறவுகளின் உயிர்களை இழந்ததுடன் உறவுகளைத் தொலைத்தவர்களாக ஏக்கத்துடனும் அங்கலாய்ப்புடனும் வாழ்ந்து வருகின்றனர்.

உயிரிழந்தவர்களைத் தவிர பல்வேறு காரணங்களுக்காக வடக்குக் கிழக்குப் பகுதிகளைச் சேர்ந்த தமிழ் பேசும் மக்கள் வயது, பால் வேறுபாடின்றி கைது செய்யப்பட்டு அல்லது கடத்தப்பட்டு காணாமல் போயுள்ளனர்.

இதில் 1980 களின் முற்பகுதிகளிலிருந்து சந்தேகத்தின் பேரில் காணாமல் போனவர்கள் தொடர்பில் ஆராயப்பட வேண்டியதும் அவர்கள் தொடர்பான உண்மை விபரங்களை உரித்தானவர்களுக்குத் தெரியப்படுத்த வேண்டியதும் மிக அவசியமாகவும் உள்ளது.
இந்நிலையில் காணாமல் போனோர்கள் தொடர்பில் இந்நாட்டை ஆட்சி புரிந்த ஆட்சியாளர்களிடம் மக்கள் கோரிக்கை விடுத்தபோதெல்லாம் அதற்கு அரசுகள் நடவடிக்கை எடுக்கப்படுமென கூறிவந்த போதிலும் எமது மக்களுக்கு உருப்படியான பதில்களையும் வழங்காத நிலையில் மக்கள் ஏமாற்றத்திற்குள்ளாகியுள்ளனர்.

இதனிடையே போரின்போது காணாமல் போனவர்களைக் கண்டுபிடிக்கும் செயற்பாட்டிற்கு உதவத் தயாரென சர்வதேச செஞ்சிலுவைச் சங்கம் தெரிவித்துள்ளமையை நாம் வரவேற்கும் அதேவேளை, இச்செயற்பாடானது 1980 களின் ஆரம்பத்திலிருந்து முன்னெடுக்கப்பட வேண்டும் என்பதையும் வலியுறுத்த விரும்புகின்றேன்.

குறிப்பாக வடக்குக் கிழக்குப் பகுதிகளைச் சேர்ந்த இளைஞர் யுவதிகள் நாட்டின் பல பாகங்களில் காணாமல் போயுள்ளனர் என்ற வகையில் சர்வதேச செஞ்சிலுவைச் சங்கம்; காணாமல் போனவர்களைக் கண்டுபிடிக்கும் செயற்திட்டத்தை உண்மையுடனும் நேர்மையுடனும் அணுக வேண்டும் எனவும் சுட்டிக்காட்டிய டக்ளஸ் தேவானந்தா அவர்கள் இச்செயற்திட்டத்திற்கு ஈழ மக்கள் ஜனநாயகக் கட்சி முழுமையான ஒத்துழைப்பையும் ஒத்தாசையையும் வழங்கத் தயாராக இருப்பதாகவும் தெரிவித்துள்ளார்.


 தேசிய ஐக்கியம் தலைமையகம் உருவாக்க அரசு எதிர்பார்ப்பு!
 26.03.2015 வியாழக்கிழமை

தேசிய ஐக்கியத்திற்கான தலைமையகம் ஒன்றை ஏற்படுத்துவதற்கு தற்போதைய அரசாங்கம் எதிர்பார்த்துள்ளது என பிரதமர் ரணில் விக்ரமசிங்க தெரிவித்துள்ளார்.

இந்த தலைமையகம் முன்னாள் ஜனாதிபதி சந்திரிக்கா தலைமையில் அமைக்கப்படவுள்ளது என அவர் குறிப்பிட்டுள்ளார்.

இதேவேளை ஜனாதிபதி மைத்திரிபால சிறிசேனவின் தலைமையில் முன்னாள் ஜனாதிபதி சந்திரிக்கா தலைமையில் நல்லிணக்கத்திற்கான ஜனாதிபதி செயலணி ஒன்று அண்மையில் நியமிக்கப்பட்டது.

ஜனாதிபதி மாளிகைக்கு முன்பாகவுள்ள தனியார் வங்கியொன்றின் கட்டிடத்திலேயே குறித்த செயலணியின் நடவடிக்கைகள் மேற்கொள்ளப்படவுள்ளமை குறிப்பிடத்தக்கது.


 சீனா இலங்கையின் மூலோபாய பங்காளியாக இருந்து உறவுகளை மேம்படுத்திக் கொள்ள ஆர்வம்
 26.03.2015 - வியாழக்கிழமை 

சீனா சென்றுள்ள ஜனாதிபதி மைத்திரிபால சிறிசேனவிற்கும் சீன ஜனாதிபதி ஜின்பிங்கிற்கும் இடையில் விசேட சந்திப்பொன்று இன்று (26) இடம்பெற்றுள்ளது.

பீஜிங்கில் இடம்பெற்ற இச்சந்திப்பில் சீனா இலங்கையின் மூலோபாய பங்காளியாக இருந்து உறவுகளை மேம்படுத்திக் கொள்ள விரும்புவதாக சீன ஜனாதிபதி ஜின்பிங் தெரிவித்துள்ளார்.

இலங்கையில் சீனாவின் 1.5 பில்லியன் அமெரிக்கா டொலர் கொழும்பு துறைமுக நகர் திட்டம் தொடர்பில் இரு தரப்பும் பேச்சுவார்த்தை நடத்துவது குறித்து கவனம் செலுத்தப்பட்டுள்ளாக தெரிவிக்கப்படுகிறது.

இந்தியாவை பகைத்துக் கொள்ளாத அளவு சமநிலையான பொருளாதார உறவுகளை சீனாவுடன் வைத்துக் கொள்ள இலங்கையின் புதிய அரசாங்கம் விரும்புவதாக தெரிவிக்கப்படுகிறது.


 இந்தியாவுக்கு 329 ஓட்டங்கள் இலக்கு!
 26.03.2015 - வியாழக்கிழமை

சிட்னியில் தற்போது நடைபெற்றுவரும் உலகக்கிண்ண கிரிக்கெட் போட்டியின் இரண்டாவது அரையிறுதி ஆட்டத்தில் இந்திய அணிக்கு 329 ஓட்டங்கள் இலக்காக நிர்ணயிக்கப்பட்டுள்ளன.

இந்தியா - அவுஸ்திரேலியா அணிகளுக்கிடையிலான அரையிறுதிப் போட்டி, இன்று வியாழக்கிழமை (26) சிட்னியில் ஆரம்பமானது.

நாணயசுழற்சியில் வெற்றிபெற்ற அவுஸ்திரேலிய அணி முதலில் துடுப்பெடுத்தாட தீர்மானித்தது.

இதன்படி முதலில் ஆடிய அவுஸ்திரேலிய அணி 50 ஓவர்கள் நிறைவில் 7 விக்கெட் இழப்புக்கு 328 ஓட்டங்களை பெற்றுள்ளது.

329 ஓட்டங்களை பெற்றால் வெற்றி என்ற இலக்குடன் இந்திய அணி துடுப்பெடுத்தாடவுள்ளது.

இந்த போட்டியில் வெற்றிபெறும் அணி, ஞாயிற்றுக்கிழமை நடைபெறவுள்ள உலக்கிண்ண இறுதிப்போட்டியில் நியூசிலாந்து அணியுடன் மோதவுள்ளமை குறிப்பிடத்தக்கது.


 19ஆவது திருத்தத்தை எதிர்த்து 3 மனுக்கள் தாக்கல்!
 26.03.2015 - வியாழக்கிழமை

அரசியலமைப்பின் 19ஆவது திருத்தத்துக்கான திருத்த சட்டமூலம்; விசேட சட்டமூலமாக நாடாளுமன்றத்தில் சமர்ப்பிக்கப்பட்டுள்ள நிலையில் அந்த திருத்த சட்டமூலத்தை எதிர்த்து உயர்நீதிமன்றத்தில் மூன்று மனுக்கள் நேற்று புதன்கிழமை தாக்கல் செய்யப்பட்டுள்ளன.

பிரபல சட்டவுரைஞர் கொமின் தயாசிரி, பிவிதுரு ஹெல உறுமய செயலாளர் உதய கம்பன்பில மற்றும் நுகேகொடையைச்சேர்ந்த எல்.பி.ஐ பெரேரா ஆகியோரை இந்த மனுக்களை தாக்கல் செய்துள்ளனர்.

ஜனாதிபதியின் அதிகாரங்கள், அரசாங்கத்தின் அதிகாரங்கள், அடிப்படை உரிமைகள் என்பன திருத்தப்படவுள்ள இந்த 19ஆவது திருத்தத்துக்கு நாடாளுமன்றத்தில் மூன்றிலிரண்டு பெரும்பான்மையும் சர்வஜன வாக்கெடுப்பின் அங்கீகாரமும் தேவையென மனுதாரர்கள் தங்களுடைய மனுவில் கூறியுள்ளனர். மனுவின் பிரிதிவாதியாக சட்டமா அதிபர் குறிப்பிடப்பட்டுள்ளார்.

அரசியலமைப்பின் 19ஆவது திருத்தத்துக்கான திருத்த சட்டமூலம் விசேட சட்டமூலமாக செவ்வாய்க்கிழமை (24), பிரதமர் ரணில் விக்கிரமசிங்கவினால் நாடாளுமன்றத்தில் தாக்கல் செய்யப்பட்டமை குறிப்பிடத்தக்கதாகும்.


 ஹல்பேயில் மண்சரிவு - ஒருவர் பலி
 26.03.2015 - வியாழக்கிழமை

பதுளை - பண்டாரவளை பிரதான வீதியில் ஹல்பே பகுதியில் மண்சரிவு ஒன்று ஏற்பட்டுள்ளது.

இந்த பகுதியில் மண் மேடு ஒன்றை அகற்ற முற்பட்ட வேளையில் இந்த மண்சரிவு இடம்பெற்றுள்ளது. இதில் ஒருவர் பலியானதாகவும் ஆறு பேர் வரையில் காயமடைந்துள்ளதாகவும் தெரிவிக்கப்பட்டுள்ளது.


 சீனாவின் போஆ மாநாட்டில் ஜனாதிபதி மைத்திரிபால சிறிசேன சிறப்புரை!
 26.03.2015 - வியாழக்கிழமை

சீனா சென்றிருக்கும் ஜனாதிபதி மைத்திரிபால சிறிசேன நாளை மறுதினம் 28ஆம் திகதி, சீனாவில் நடைபெறவுள்ள போஆ சர்வதேச மாநாட்டில்  சிறப்புரையாற்றவுள்ளார்.

ஆசியாவின் அபிவிருத்தி மற்றும் பொருளாதாரம் தொடர்பான மேற்படி மாநாட்டில் இலங்கையின் அபிவிருத்தி மற்றும் பொருளாதார செயற்பாடுகள் தொடர்பில் ஜனாதிபதி சர்வதேசத்திற்கு தெளிவுபடுத்தவுள்ளதாக தெரிவிக்கப்பட்டுள்ளது.


 விடுமுறை பெறாமல் கடமைக்கு சமூகமளிக்காத இராணுவ உறுப்பினர்களுக்கு பொது மன்னிப்பு!
 26.03.2015 -வியாழக்கிழமை

விடுமுறை பெற்றுக்கொள்ளாது, கடமைக்கு சமூகமளிக்காத இராணுவ உறுப்பினர்களுக்கு ஜனாதிபதியால் பொது மன்னிப்பு பிரகடனப்படுத்தப்பட்டுள்ளது.

அரச பாதுகாப்பு அமைச்சில் நடைபெற்ற ஊடகவியலாளர் சந்திப்பொன்றில் மேஜர் ஜெனரல் மஹிந்த ஹத்துருசிங்க இதுதொடர்பில் தெளிவுபடுத்தினார்.

ஏப்ரல் 2ஆம் திகதி முதல் ஏப்ரல் 16 ஆம் திகதி வரை குறித்த இராணுவ அதிகாரிகளுக்கு கால அவகாசம் வழங்கப்பட்டுள்ளதாக அவர் தெரிவித்தார்.

மூன்று மாதங்களுக்கு மேல் விடுமுறை பெற்றுக்கொள்ளாது வீடுகளில் உள்ளவர்கள் இந்த பொது மன்னிப்புக் காலத்தில் தத்தமது படைத்தலைமையகங்களுக்குச் சென்று இராஜினாமா நடவடிக்கைகளை சட்டரீதியாக செய்துகொள்ள முடியும் எனவும் மேஜர் ஜெனரல் மஹிந்த ஹத்துருசிங்க குறிப்பிட்டார்.


 தேசிய நுளம்பு ஒழிப்பு வாரம் இன்று முதல் ஆரம்பம்!
 26.03.2015 - வியாழக்கிழமை

தேசிய நுளம்பு ஒழிப்பு வாரம் இன்று முதல் நடைமுறைப்படுத்தப்படவுள்ளது.

இந்த திட்டத்தினூடாக சுமார் ஒரு மில்லியன் வரையான வீட்டு சுற்றுச்சூழலை சோதனைக்கு உட்படுத்த எதிர்பார்த்துள்ளதாக சுகாதார அமைச்சின் தொற்று நோய் பிரிவின் பணிப்பாளர் விசேட வைத்திய நிபுணர் பபா பலிஹவடன தெரிவிக்கின்றார்.

நுளம்பு ஒழிப்பு நடவடிக்கைகளில் பொலிஸார், இராணுவத்தினர், சமூக சேவை அமைப்புகள் மற்றும் சுகாதார ஊழியர்களும் இணைக்கப்பட்டுள்ளதாகவும் அவர் குறிப்பிட்டார்.

நுளம்புக் குடம்பிகள் பெருகும் இடங்களை அடையாளங் கண்டு அவற்றினை அழிப்பதுடன் நுளம்பு தொற்று தொடர்பில் மக்களை தெளிவுபடுத்தும் நடவடிக்கைகளும் முன்னெடுக்கப்படவுள்ளன.

நாடளாவிய ரீதியில் முன்னெடுக்கப்படவுள்ள இந்த நடவடிக்கைகயினை கண்காணிப்பதற்கு சுகாதார அமைச்சின் அதிகாரிகள் நியமிக்கப்பட்டுள்ளதாகவும் வைத்திய நிபுணர் பபா பலிஹவடன சுட்டிக்காட்டியுள்ளார்.

வருடத்தின் இதுவரையான காலப்பகுதியில் சுமார் பத்தாயிரம் டெங்கு நோயாளர்கள் அடையாளம் காணப்பட்டுள்ளதாகவும், டெங்கு காய்ச்சலால் 18 பேர் உயிரிழந்துள்ளதாகவும் அவர் குறிப்பிட்டார்.


 மீனவர்களின் பேச்சுவார்த்தையூடாக வடபகுதி கடற்றொழிலாளர்களுக்கு உரிய தீர்வு கிடைக்க வேண்டும் - ஈ.பி.டி.பியின் செயலாளர் நாயகம் வலியுறுத்தல்
 25.03.2015 - புதன்கிழமை

இலங்கை இந்திய மீனவப் பிரதிநிதிகளின் கலந்துரையாடலை வரவேற்கும் அதேவேளை, இந்திய மீனவர்களின் எல்லைதாண்டியதும் தடைசெய்யப்பட்டதுமான தொழில் முறை நடவடிக்கைகளால் இலங்கையின் வடபகுதி கடற்றொழிலாளர்கள் நாளாந்தம் எதிர்நோக்கி வரும் நெருக்கடிகளுக்கு உரிய வகையில் தீர்வு காணப்பட வேண்டுமென ஈழ மக்கள் ஜனநாயகக் கட்சியின் செயலாளர் நாயகம் டக்ளஸ் தேவானந்தா அவர்கள் தெரிவித்துள்ளார்.

இலங்கை இந்திய மீனவர்களுக்கிடையிலான மூன்றாம் கட்ட பேச்சுவார்த்தை சென்னையில் நேற்றும் இன்றும் நடைபெற்றுள்ள நிலையில் கருத்துத் தெரிவிக்கும் போதே அவர் இவ்வாறு வலியுறுத்தியுள்ளார்.

அவர் மேலும் தெரிவிக்கையில், இலங்கையின் வடபகுதி கடற்றொழிலாளர்கள் கடந்த காலங்களில் சுனாமி போன்ற இயற்கை அனர்த்தத்தினாலும் நீண்டகால யுத்தத்தினாலும் தமது தொழிற்துறை நடவடிக்கைகளை சீரான முறையில் முன்னெடுக்க முடியாத பாதிப்புக்களுக்கும் அவலங்களுக்கும் முகங்கொடுத்து வந்துள்ளனர்.

யுத்தம் முடிவிற்கு வந்ததன் பின்னர் இந்திய மீனவர்களின் எல்லைதாண்டியதும் தடைசெய்யப்பட்டதுமான அத்துமீறிய தொழில்முறை நடவடிக்கைகளால் குறிப்பாக கடலில் நீண்டநாள் தங்கி தொழில்புரிதல், கடற்றொழிலாளர்களின் வலைகளை அறுத்துச் செல்லுதல் அல்லது சேதமாக்குதல், எமது மீனவர்களை தாக்குவதுடன் படகுகளை சேதப்படுத்துவது மற்றும் மீன்களை சூறையாடுதல் என தொடரும் நிலையில் நாளாந்தம் வடபகுதி கடற்றொழிலாளர்கள் பல்வேறுபட்ட இடர்பாடுகளுக்கு மத்தியில் வாழ்ந்து வருகின்றனர்.

இதனால், வடபகுதியின் கடற்பரப்பிலுள்ள கடற்பாறைகளும் இயற்கை வளங்களும் பெருமளவில் அழிக்கப்பட்டு சூறையாடப்பட்டு வருவதையும் சுட்டிக்காட்ட விரும்புகின்றேன்.

எமது கடற்றொழிலாளர்கள் எதிர்நோக்கும் இடர்பாடுகளுக்கு தீர்வுகாணும் வகையில் இரண்டுதடவைகள் கச்சதீவு புனித அந்தோனியார் கோவில் வருடாந்த உற்சவங்களின் போது தமிழக மற்றும் வடபகுதி மீனவர்களுடன் எனது தலைமையில் இருதரப்பு கலந்துரையாடல்கள் முன்னெடுக்கப்பட்டு இணக்கப்பாடுகள் பல எட்டப்பட்ட போதிலும் காலப்போக்கில் இந்திய மீனவர்களது எல்லைதாண்டிய தொழில்முறை நடவடிக்கைகள் தொடர்கதையாகவே நீடிக்கின்றது.

இந்நிலையில், இந்திய பிரதமர் நரேந்திர மோடி அவர்கள் இலங்கைக்கு வருகைதந்திருந்த வேளையிலும் இந்திய மீனவர்களின் அத்துமீறிய தொழில் நடவடிக்கைகளால் எமது கடற்றொழிலாளர்கள் எதிர்நோக்கி வரும் அவலங்களையும் அவரின் கவனத்திற்குக் தெரியப்படுத்தியிருந்ததுடன் இதற்குரிய தீர்வைபெற்றுத் தரவேண்டுமெனவும் கோரிக்கை விடுத்திருந்தேன்.

இதனிடையே இந்தியாவின் சென்னையில் இலங்கை இந்திய மீனவர் பிரதிநிதிகளுக்கிடையே நேற்றும் இன்றும் பேச்சுவார்த்தைகள் இடம்பெற்றுள்ளதையிட்டு நான் மகிழ்ச்சியடையும் அதேவேளை, இப்பேச்சுவார்த்தையின் ஊடாக வடபகுதி கடற்றொழிலாளர்கள் நாளாந்தம் எதிர்நோக்கி வருகின்ற தொழில்துறைரீதியான நெருக்கடிகள் உள்ளிட்ட விடயங்கள் தொடர்பில் கவனம் செலுத்தப்பட்டு விரிவாக ஆராயப்பட்டு உரிய தீர்வினை காணவேண்டியது இன்றைய காலத்தின் கட்டாயமாகவுள்ளது.

இருதரப்பு கலந்துரையாடலின் மூலம் எட்டப்படும் தீர்வின் ஊடாகவே எமது கடற்றொழிலாளர்கள் நாளாந்தம் எதிர்நோக்கும் பிரச்சினைகளுக்கு தீர்வு காணமுடியுமென்பது மட்டுமன்றி அவர்களது வாழ்வாதாரத்தையும் பொருளாதாரத்தையும் பாதுகாத்து பலப்படுத்தவும் முடியுமென்றும் சுட்டிக்காட்டினார்.

இதனிடையே இலங்கை தரப்பில் பங்கெடுக்கும் பிரதிநிதிகள் சரியானவர்களாகவும் எமது கடற்றொழிலாளர்களின் பிரச்சினைகளை உரிய முறையில் வெளிக்கொணர வேண்டுமென்றும் டக்ளஸ் தேவானந்தா அவர்கள் வலியுறுத்தியுள்ளார்.

இலங்கை இந்திய மீனவர்களுக்கிடையே ஏற்கனவே இரண்டு கட்ட பேச்சுவார்த்தைகள் நடைபெற்றுள்ள நிலையில் தமிழகத்தின் வேண்டுகோளை ஏற்று மூன்றாம் கட்ட பேச்சுவார்த்தை நடைபெற்றுள்ளமை குறிப்பிடத்தக்கது.


 சிங்கப்பூரில் தமிழ் மொழியை வளர்த்த பெருமைக்குரியவர் லீ க்வான் யூ! ஈ.பி.டி.பியின் செயலாளர் நாயகம்!
 25.03.2015 - புதன்கிழமை

சிங்கப்பூர் என்ற தேசத்தின் வளர்ச்சிக்கும் மேம்பாட்டுக்குமாக வாழ்நாள் முழுவதும் உழைத்தவர் என்பதுடன் மொழிக்கொள்கையின் ஊடாக சிங்கப்பூரில் தமிழ் மொழியை வளர்த்தவர் லீ க்வான் யூ அவர்கள் என ஈழ மக்கள் ஜனநாயகக் கட்சியின் செயலாளர் நாயகம் டக்ளஸ் தேவானந்தா அவர்கள் தெரிவித்துள்ளார்.

சிங்கப்பூரின் முதல் பிரதமரான லீ க்வான் யூ அவர்களின் மறைவையொட்டி செயலாளர் நாயகம் விடுத்துள்ள செய்திக்குறிப்பிலேயே இவ்வாறு தெரிவிக்கப்பட்டுள்ளது.

அதில் மேலும் தெரிவிக்கப்பட்டுள்ளதாவது 1954 இல் மக்கள் செயல் கட்சி என்ற அமைப்பை உருவாக்குவதற்கும் ஆங்கிலேயர் அரசாங்கத்துடன் இணைந்து சிங்கப்பூர் விடுதலை பெறுவதற்கும் சுதந்திர தேசத்தை உருவாக்குவதற்கும் அரும்பாடுபட்டு உழைத்தவர் லீ க்வான் யூ அவர்கள்,
தமது ஆட்சிக் காலத்தில் துறைமுக நகரமாக இருந்த சிங்கப்பூரை உலகம் பிரமிக்கும் வகையில் வர்த்தக நகரமாகவும் உருவாக்கியவர்.
தனது மொழிக்கொள்கையின் ஊடாக இன்று சிங்கப்பூரில் தமிழ் மொழி செழித்திருப்பதற்கும் மூலக்காரணமாக திகழ்ந்த இவருக்கு தமிழ்பேசும் மக்கள் அனைவரும் நன்றிக்கடன்பட்டுள்ளோம்.

மக்கள் செயல் கட்சி என்ற அமைப்பை ஆரம்பித்த நாளிலிருந்து சிங்கப்பூரில் பல்வேறு இன,மத, மொழி கலாசாரங்களைக் கொண்ட நாடாக இருப்பை உறுதிசெய்த லீ க்வான் யூ அவர்கள் தமிழ் மொழியும் அதிகாரத்துவ மொழிகளில் ஒன்றாக இருப்பதையும் விரும்பினார்.

சிறுபான்மையின மக்களின் உரிமைகளை பாதுகாக்கும் வகையில் மன்றமொன்றை அமைத்து செயற்படுத்தியுள்ளார்.

இன்றைய நவீன சிங்கப்பூரின் வளர்ச்சிக்காகவும் மேம்பாட்டுக்காகவும் தன் வாழ்நாள் முழுவதும் உழைத்த கடமைவீரர் ஒப்பற்ற மனிதர் லீ க்வான் யூ அவர்களின் வாழ்வு எல்லா மனிதர்களுக்கும் முன்மாதிரியாகவும் எடுத்துக்காட்டாகவும் விளங்குகின்றது.

இந்நிலையில் அவரின் இழப்பால் துயருறும் அவரது குடும்ப உறவுகளுக்கும் சிங்கப்பூர் மக்களுக்கும் ஈழ மக்கள் ஜனநாயகக் கட்சி சார்பாக இறுதி அஞ்சலியையும் வணக்கத்தையும் தெரிவித்துக் கொள்கின்றேன்.

நவீன சிங்கப்பூரின் தந்தை சிற்பி என அழைக்கப்படும் அந்நாட்டின் முதல் பிரதமரான லீ க்வான் யூ அவர்கள் தனது 91 ஆவது வயதில் நேற்று முன்தினம் அதிகாலை காலமானார் என்பதுடன் இறுதிக்கிரியைகள் எதிர்வரும் ஞாயிற்றுக்கிழமை நடைபெறவுள்ளமை குறிப்பிடத்தக்கது.


 பெண்கள் சுயதொழில் மூலம் பொருளாதாரத்தை மேம்படுத்துவதுடன்  அவர்களது உரிமைகளையும் பாதுகாத்துக் கொள்ள முடியும் - வடக்கு மாகாண சபை எதிர்க்கட்சித் தலைவர்
 25.03.2015 - புதன்கிழமை

சுயதொழில் மூலம் பெண்கள் தங்கள் பொருளாதாரத்தை மேம்படுத்துவதுடன்  அவர்களது உரிமைகளையும் பாதுகாத்துக் கொள்ள முன்வர வேண்டுமென வடக்கு மாகாண சபை எதிர்க்கட்சித் தலைவர் சி.தவராசா அவர்கள் தெரிவித்துள்ளார்.

நேற்று முன்தினம் மாதகல் தெற்கு மாதர் கிராம அபிவிருத்திச் சங்கத்திற்கான உணவு உற்பத்தி நிலையத்தினை உத்தியோக பூர்வமாக திறந்துவைக்கப்பட்ட நிகழ்வில் கலந்து கொண்டு உரையாற்றும் போதே அவர் இவ்வாறு தெரிவித்துள்ளார்.

அவர் மேலும் உரையாற்றுகையில், எமது நாட்டில் சுயதொழில் முயற்சிகளுக்கான வாய்ப்புக்கள் பல காணப்படுகின்றன. அவ் வாய்ப்புக்களைப் பயன்படுத்தி சுயதொழில் முயற்சிகளை ஆரம்பிப்பதற்கு நாம் முன்வர வேண்டும்.

அத்துடன் குறிப்பாகப் பெண்கள் வீட்டிலிருந்தே செயலாற்றக்கூடிய பல சுயதொழில் முயற்சிகள் உள்ளன. அவ்வாறான சுயதொழில் வாய்ப்புக்களைப் பயன்படுத்தி உங்கள் பொருளாதாரத் தேவையை நிவர்த்தி செய்வதுடன் அதன் மூலம் உங்களது உரிமைகளையும் பாதுகாத்துக் கொள்ள முடியும்.   கிடைக்கின்ற சந்தர்ப்பங்களை சரிவரப் பயன்படுத்திக் கொள்ள வேண்டுமென்றும்  சுட்டிக்காட்டினார்.

வடக்கு மாகாண மீன்பிடி, போக்குவரத்து மற்றும் கிராம  அபிவிருத்தி அமைச்சின் இரண்டு மில்லியன்  ரூபா நிதி ஒதுக்கீட்டில் உணவு உற்பத்தி நிலையம் அமைக்கப்பட்டுள்ளமை குறிப்பிடத்தக்கது.
இந் நிலையத்திற்கான காணியினை அப் பிரதேச வாசியான திரு அதிகாரசிங்கம் என்பவர் வழங்கியிருந்தார்.

வலி தென் மேற்கு பிரதேச செயலர் திரு முரளிதரன் தலைமையில் நடைபெற்ற இந் நிகழ்வில் வடக்கு மாகாண மீன்பிடி, போக்குவரத்து மற்றும் கிராம  அபிவிருத்தி அமைச்சர் டெனிஸ்வரன், வடக்கு மாகாண சபை உறுப்பினர் கஜதீபன், வலி தென் மேற்கு பிரதேச சபை தவிசாளர் திரு மகேந்திரன் ஆகியோரும் கலந்துகொண்டனர்.








 மாற்றுக் கருத்துள்ளவர்களை எதிரியாகவும், துரோகியாகவும் காட்டும் கலாசாரத்தை கைவிட வேண்டும் - வடக்கு மாகாண சபை எதிர்க்கட்சித்தலைவர் சி.தவராசா
 25.03.2015 - புதன்கிழமை

மாற்றுக் கருத்துள்ளவர்களை எதிரியாகவும், துரோகியாகவும் வர்ணிக்கும் கலாசாரத்திலிருந்து விடுபட அனைவரும் முன்வர வேண்டுமென வடக்கு மாகாண சபை எதிர்க்கட்சித்தலைவர் சி.தவராசா அவர்கள் தெரிவித்துள்ளார்.

யாழ்ப்பாணம் காரைநகர் பிரதேச செயலகத்துக்குட்பட்ட பெரிய மணல் கிராம அபிவிருத்தி சங்கத்துக்கு, வடக்கு மாகாண மீன்பிடி, போக்குவரத்து மற்றும் கிராம  அபிவிருத்தி அமைச்சின் இரண்டு மில்லியன் ரூபா நிதி ஒதுக்கீட்டில் அரைக்கும் ஆலையினை திறந்து வைக்கும் நிகழ்வில் கலந்து கொண்டு உரையாற்றும் போதே அவர் இவ்வாறு தெரிவித்துள்ளார்.

அவர் மேலும் தெரிவிக்கையில், மாகாண சபையின் ஆளுங்கட்சியைச் சேர்ந்தவர்கள் இங்கு இருக்கின்றனர், எதிர்க்கட்சியைச் சார்ந்து நான் இருக்கின்றேன், காரைநகர் பிரதேச சபை ஆளுங்கட்சி தவிசாளர் இருக்கின்றார், எதிர்க்கட்சித் தலைவர் இருக்கின்றார், நூறு வீதம் வடக்கு மாகாண மீன்பிடி, போக்குவரத்து மற்றும் கிராம  அபிவிருத்தி அமைச்சினால் நிதி ஒதுக்கீடு செய்யப்பட்டு ஆரம்பித்து வைத்துள்ள இவ் அரைக்கும் ஆலைக்கு மத்திய அரசைச் சேர்ந்த ஓர் நிர்வாகி தலைமை வகிக்கின்றார். மாற்றுக்கருத்து உள்ளவர்களும் ஒன்றுபட்டு ஆக்கபூர்வமான செயற்பாடுகளில் ஈடுபடமுடியும் என்பதற்கு இது ஓர் எடுத்துக்காட்டாகும்.

மாற்றுக் கருத்துள்ளவர்களை எதிரியாகவும், துரோகியாகவும் காட்டும் கலாசாரத்தை எமது ஊடகங்கள் வளர்த்திருக்கின்றன. உதாரணமாக இஸ்ரேல் என்ற நாட்டினை எடுத்துக் கொள்வோமேயானால், அங்கு பதின்நான்கு அரசியற் கட்சிகள் மாறுபட்ட கருத்துக்களுடன் பாராளுமன்றத்தில் 1960 களில் இருந்த போதுதான் தன்னைச் சூழ்ந்த பல நாடுகளின் பிரதேசங்களைக் கைப்பற்றி சகல துறைகளிலும் முன்னணியில் உள்ள நாடாகத் திகழ்ந்தது. இதனைப் போன்றே வேற்றுமைக்குள்ளும் ஒற்றுமையாகச் செயற்படமுடியும் என்றும் அவர் மேலும் தெரிவித்தார்.

இந் நிகழ்வில் வடக்கு மாகாண மீன்பிடி, போக்குவரத்து மற்றும் கிராம  அபிவிருத்தி அமைச்சர் டெனிஸ்வரன், காரைநகர் பிரதேச செயலாளர் திருமதி.தேவனந்தினி பாபு, வடக்கு மாகாணசபை உறுப்பினர்  கஜதீபன், காரைநகர் பிரதேச சபை தவிசாளர் ஆனைமுகன், ஈ.பி.டி.பியின் காரைநகர் பிரதேச அமைப்பாளரும் பிரதேச சபை எதிர்க்கட்சித் தலைவருமான வீ.கண்ணன், வடக்கு மாகாண கிராம அபிவிருத்தி திணைக்கள பணிப்பாளர் திரு ஜே.ஜே.சி.பெலிசியன், பெரியமணல் கிராம அபிவிருத்தி சங்க தலைவர் மு.அருணாசலம ஆகியோர் கலந்து கொண்டனர்.







 யாழ்.மாவட்ட புதிய அரச அதிபர் வேதநாயகம் கடமைகளை பொறுப்பேற்றார்!
 25.03.2015 புதன்கிழமை

யாழ்.மாவட்ட புதிய அரச அதிபராக வேதநாயகம் இன்று தனது கடமையை பொறுப்பேற்றார்.

யாழ்.மாவட்ட அரச அதிபராக கடமையாற்றிய சுந்தரம் அருமைநாயகம் கிளிநொச்சிக்கு இடமாற்றம் செய்யப்பட்டு செல்வதால் முல்லைத்தீவு அரச அதிபராக கடமையாற்றிய வேதநாயகமே யாழ்.மாவட்டத்திற்கு புதிய அரச அதிபராக நியமிக்கப்பட்டுள்ளார்.

மேலும் யாழ்.மாவட்ட அரச அதிபராக 18.05.2012 ஆம் ஆண்டு தனது கடமையை பொறுப்பேற்றுக் கொண்ட சுந்தரம் அருமைநாயகம் இன்று யாழில் இருந்து விடைபெற்று  கிளிநொச்சிக்கு அரச அதிபராக இடமாற்றம் செய்யப்பட்டு சென்றார் என்பது குறிப்பிடத்தக்கது.


 மீண்டும் வருகிறது தலைக்கவசத் தடை!
 25.03.2015 புதன்கிழமை

மோட்டார் சைக்கிளில் பயணிப்பவர்கள் முகத்தை முழுமையாக மறைத்து தலைக்கவசம் அணிய தடை விதிக்க பொலிஸார் தீர்மானித்துள்ளனர்.

அதன்படி இத்திட்டம் எதிர்வரும் ஏப்ரல் 2ம் திகதி தொடக்கம் அமுலுக்கு வருவதாக பொலிஸ் ஊடகப் பேச்சாளர் ருவான் குணசேகர அறிவித்துள்ளார்.

முன்னதாக முகத்தை முழுமையாக மறைத்து தலைக்கவசம் அணிய தடை விதிக்க அரசாங்கம் தீர்மானித்து பின்னர் அதனை வாபஸ் பெற்ற நிலையில் தற்போது மீண்டும் அத்திட்டத்தை செயற்படுத்த தீர்மானித்துள்ளது.


 
     
 
15A, Layards Road, Colombo - 05, Sri Lanka.
Tel: 94 11 2503467 Fax: 94 11 2585255
E-Mail: epdp@sltnet.lk 
© 2008 www. epdpnews.com, All Rights Reserved.

Porno izle Sex izle Porno Mobil Porno hd Porno