பருத்தித்துறை கடலில் மீன்பிடிக்கச் சென்ற இரு மீனவர்கள் கரை திரும்பவில்லை – அச்சத்தில் மீனவர்கள்!

Thursday, December 1st, 2016

பருத்தித்துறை கடலில் கடல் தொழிலுக்கு சென்ற இரண்டு மீனவர்கள் இதுவரை கரைதிரும்பவில்லை என அவர்களது உறவினர்களால் பொலிஸ் நிலையத்தில் முறைப்பாடு செய்யப்பட்டுள்ளது.

வடமராட்சி கிழக்கு குடத்தனை பகுதியைச் சேர்ந்த அடைக்கலம் அந்தோனிமுத்து வயது 54 மற்றும் அன்ரன் ஜெயக்குமார் அஜித்குமார் வயது 16 ஆகிய இரு மீனவர்களே இதுவரை கரை திரும்பவில்லை என தெரிவிக்கப்படுகின்றது.

நேற்று மாலை குறித்த கடற்பரப்பில் கடற்றொழிலுக்காக சென்ற மூன்று படகுகளில் இரண்டு படகுகள் நாடா புயல் காரணமாக அடித்தச்செல்லப்பட்டிரந்த நிலையில் ஒரு படகு தாளையடியிலும் மற்றொன்று செம்பியன் பற்று கடற்பகுதியிலும் கரை ஒதுங்கிய நிலையில் மூன்றாவது படகான குறித்த இரு மீனவர்களும் சென்ற படகு இதுவரை கரை ஒதுங்கவில்லை என தெரிவிக்கப்படுகின்றது.

இதனிடையே நாடா புயல் காரணமாக இந்தியாவின் இராமேஸ்வரம் கோடிக்கரையை சேர்ந்த மீனவர் படகொன்று ஐந்து மீனவர்களுடன் அலையில் அடித்துவரப்பட்ட நிலையில் இலங்கை கடற்படையினரால் மீட்கப்பட்டுள்ளனர் என்றும் அவர்களை இந்திய துணைத்தூதுவரிடம் கையளிப்பதற்கான முயற்சிகள் நடைபெற்று வருவதாகவும் எமது செய்தியாளர் தெரிவித்துள்ளார்.

1475-2-2259e74925f4687de0a8f8d6e96be45e


ஈழமக்கள் ஜனநாயக கட்சியின் யாழ் தலைமை அலுவலகத்தில் புத்தாண்டு நிகழ்வு!
7 மாணவர்களுக்கு  நீதிமன்றம் நோட்டீஸ்!
அரச பணியாளர்களின் இடமாற்றக் கொள்ளை கல்விச்சேவை ஊழியர்களுக்கும் பொருந்தும் - கல்வி அமைச்சர்
பயிர்களுக்குப் பீடைநாசினி விசிறினால் 14 நாள்களின் பின்னரே அறுவடை செய்ய வேண்டும் - சுகாதாரப் பகுதியின...
ஒருவர் இருந்தாலும் மலசலகூடம் கட்டாயம் : புள்ளிகளை விடுத்து அமைத்துத்தாருங்கள் !