கடந்த ஆட்சியாளர்கள் கடன் பெற முடியாமல் பணத்தை அச்சிட்டனர் – அமைச்சர் பந்துல குணவர்தன சுட்டிக்காட்டு!
Monday, February 27th, 2023
கடந்த அரசாங்கங்களில் ஆட்சியாளர்கள் யாராக இருந்தாலும், கடன் பெற முடியாத நிலையில் வருடத்திற்கு ஒரு முறை பணத்தை அச்சடித்து வந்தனர் என வெகுஜன ஊடக அமைச்சர் பந்துல குணவர்தன தெரிவித்துள்ளார்.
கொழும்பு ஊடகவியலாளர்கள் கிரிக்கெட் லீக்கில் (CJCL) ஊடகங்களுக்கு கருத்து தெரிவித்த அவர், கடந்த அரசாங்கங்கள் உள்நாட்டிலும் சர்வதேச அளவிலும் கடன்களை பெற்றன.
“கடன்கள் போதுமானதாக இல்லாதபோது, அவை தானாகவே பணத்தை அச்சிடத் தொடங்கின.
நம் நாடு திவாலாகிவிட்டதாகவும், கடனைச் செலுத்த முடியாது என்றும் ஏற்கனவே அறிவித்ததால், இன்று எந்த நாட்டிலும் கடன் பெற முடியாது,” என்றும் அவர் குறிப்பிட்டார்.
இப்போது எங்களால் பணத்தை அச்சிட முடியாது. நாங்கள் தொடர்ந்து பணத்தை அச்சிட்டால், நாடு முற்றிலும் வீழ்ச்சியடையும் என்றும், அவர்களின் கடன் வசதியை ஏற்றுக்கொள்ள முடியாது என்றும் IMF கூறியுள்ளது,” என்றும் அவர் குறிப்பிட்டுள்ளார்.
நாங்கள் கடன் பெற்று தொடர்ந்து பணம் அச்சடித்து வந்தோம், ஆனால் அந்த நடைமுறை தற்போது முடிவுக்கு வந்துள்ளது.
நாட்டை ஆள்பவர் யதார்த்தத்தை எதிர்கொள்ள வேண்டும். எனவே நாட்டில் உள்ள ஒவ்வொரு நபரும் பல சிரமங்களை எதிர்நோக்க வேண்டியுள்ளது எனவும் அமைச்சர் தெரிவித்துள்ளமை குறிப்பிடத்தக்கது.
Related posts:
|
|
|
