ஏழைப் பிள்ளைகளுக்கு பணமில்லாமல் இலவச சீசன் டிக்கெட்டுகளை – அமைச்சர் பந்துல குணவர்தன நாடாளுமன்றில் அறிவிப்பு!
Tuesday, July 18th, 2023
ஏழைப் பிள்ளைகளுக்கு பணமில்லாமல் இலவச சீசன் டிக்கெட்டுகளை வழங்குவதாகவும், பணம் செலுத்தக்கூடியவர்கள் கட்டணத்தில் மூன்றில் ஒரு பங்கை செலுத்தி மீதியை தருவதாகவும் போக்குவரத்து, நெடுஞ்சாலைகள் மற்றும் வெகுசன ஊடக அமைச்சர் பந்துல குணவர்தன நாடாளுமன்றத்தில் தெரிவித்துள்ளார்.
பொலன்னறுவை மாவட்ட நாடாளுமன்ற உறுப்பினர் கின்ஸ் நெல்சன் கேட்ட கேள்விக்கு பதிலளிக்கும் போதே பந்துல குணவர்தன இவ்வாறு தெரிவித்தார்.
மாணவர் பருவ சீட்டு கட்டணத்தில் 9% மட்டுமே வசூலிக்கப்பட்டது, இப்போது 30% வரை வசூலிக்கப்படும் என்ற கதை இருக்கிறதா என்று கின்ஸ் நெல்சன் கேள்வி எழுப்பினார்.
அதற்குப் பதிலளித்த பந்துல குணவர்தன, அரசிடமிருந்து பெறப்படும் பெருந்தொகையான மானியத்தின் அடிப்படையிலேயே கல்விக்கடன் அமுல்படுத்தப்பட்டு வருடத்திற்கு இரண்டு பில்லியன் மானியமாக வழங்கப்படுவதாகவும், ஆனால் நிதி நெருக்கடி காரணமாக திறைசேரியால் அந்தப் பணத்தை வழங்க முடியாது எனவும் தெரிவித்தார்.
மாணவர் பேருந்தை இயக்குவதில் போக்குவரத்து சபைக்கும் தனியார் துறைக்கும் பெரும் சிக்கல் ஏற்பட்டுள்ளதாகவும், சீசன் டிக்கெட்டுகளுக்கு அதிக மானியம் வழங்கும்போது, பேருந்துகளின் எண்ணிக்கை குறையும் என்றும் அமைச்சர் கூறினார்.
எனவே இது தொடர்பில் ஆராய்ந்து முடிவெடுப்பதற்காக அமைச்சரவையின் அங்கீகாரத்துடன் குழுவொன்று அமைக்கப்பட்டுள்ளதாக அமைச்சர் தெரிவித்துள்ளமை குறிப்பிடத்தக்கது
இதனிடையே
அரச மற்றும் அரச அனுமதிப்பெற்ற தனியார் பாடசாலைகளின் முதலாம் தவணை ஜூலை 21ஆம் திகதியுடன் நிறைவடையவுள்ளதாக கல்வி அமைச்சு தெரிவித்துள்ளது.
அத்துடன், இரண்டாம் தவணைக்கான முதல் கட்டம் எதிர்வரும் ஜூலை 24ஆம் திகதி (திங்கட்கிழமை) ஆரம்பிக்கப்படும் எனவும் கல்வி அமைச்சு அறிவித்துள்ளமை குறிப்பிடத்தக்கது
Related posts:
|
|
|
