இலங்கை வருகிறார் ஜப்பானிய சிறப்பு தூதுவர்!

Wednesday, June 12th, 2019

முக்கிய விவகாரங்கள் குறித்து இலங்கை அரசாங்கத்துடன் பேச்சுக்களை நடத்துவதற்கு, ஜப்பானிய பிரதமர் ஷின்சோ அபே, சிறப்பு தூதுவர் ஒருவரை கொழும்புக்கு அனுப்பவுள்ளார்.

ஜப்பானிய பிரதமரின் சிறப்பு ஆலோசகர் கலாநிதி ஹிரோரோ இசுமியே, சிறப்பு தூதுவராக இலங்கை வரவுள்ளார்.

அவர், எதிர்வரும் 20ஆம் திகதிக்கும் 22ஆம் திகதிக்கும் இடையில் பிரதமர் ரணில் விக்ரமசிங்கவுடன் கலந்துரையாடவுள்ளார்.

இதன்போது, இலங்கை தொடர்பாக ஜப்பானிய அரசாங்கம் விடுத்துள்ள பயண எச்சரிக்கையை மீளாய்வு செய்வது குறித்து, பிரதமர் கலந்துரையாடுவார் என்று பிரதமர் செயலகம் தெரிவித்துள்ளது.

அத்துடன் மத்திய அதிவேக நெடுஞ்சாலைத் திட்டம், கொழும்பு துறைமுகத்தின் கிழக்கு கொள்கலன் முனைய அபிவிருத்தி உள்ளிட்ட விவகாரங்கள் குறித்தும் ஜப்பானிய சிறப்பு தூதுவர் பேச்சு நடத்தவுள்ளார்.


வடக்கு கிழக்கிலுள்ள 3000 குடும்பங்களுக்கு ஐரோப்பிய ஒன்றியத்தினால் வீடுகள் வழங்க திட்டம்!
சத்துணவு வழங்கும் திட்டம் யாழில் ஆரம்பிக்கப்படும் - அரச அதிபர் வேதநாயகன் தெரிவிப்பு!
இந்திய பிரதமரின் விஜயத்தில் உள்நோக்கம் இல்லை - இந்திய உயர்ஸ்தானிகரகம்!
இலங்கை இராணுவத்தினர் மீது மாலியில் தாக்குதல் - 02 பேர் பலி!
5 ஆம் தர பரீட்சை விடைத்தாள் திருத்தும் பணி 15 ஆம் திகதி ஆரம்பம்!