அரசாங்கத்திலிருந்து அரசாங்கத்திற்கு சாத்தியமான கொள்முதல் பொறிமுறையின் அடிப்படையில் சுகாதாரத் துறையில் இந்தியாவின் ஆதரவை நாடுகின்றது இலங்கை!
Thursday, February 9th, 2023
மருந்துகளைப் பெறுதல் மற்றும் அரசாங்கத்திலிருந்து அரசாங்கத்திற்கு சாத்தியமான கொள்முதல் பொறிமுறையின் அடிப்படையில் சுகாதாரத் துறையில் இந்தியாவின் ஆதரவை இலங்கை நாடியுள்ளது.
இந்தியாவிற்கான இலங்கை உயர்ஸ்தானிகர் மிலிந்த மொரகொட நேற்று இந்தியாவின் சுகாதார அமைச்சர் மன்சுக் மாதவியாவைச் சந்தித்து சுகாதாரத் துறையில் ஒத்துழைப்பை விரிவுபடுத்துவதற்கும் ஆழப்படுத்துவதற்குமான வழிகள் தொடர்பில் கலந்துரையாடியுள்ளார்.
“இலங்கை இறக்குமதியாளர்கள் இந்தியாவில் இருந்து மருந்துகளை கொள்வனவு செய்யும் செயல்முறை, அத்தியாவசியமான பொருட்களை கொள்வனவு செய்வதற்கு தற்போதுள்ள இந்தியக் கடனை திறம்பட மற்றும் திறமையாக பயன்படுத்துதல். மருந்துகள் மற்றும் இந்தியாவில் இருந்து மருந்துகளை கொள்வனவு செய்வது தொடர்பில் இந்த சந்திப்பின் போது கலந்துரையாடப்பட்டது.
உயர்ஸ்தானிகர் மொரகொட, இந்திய மருத்துவ நிறுவனங்களில் இலங்கை மருத்துவ நிபுணர்களுக்கு பிந்தைய முனைவர் பட்ட பயிற்சி வாய்ப்புகளை வழங்குவதற்கான சாத்தியக்கூறுகளை ஆராயுமாறு இந்திய சுகாதார அமைச்சரிடம் கோரிக்கை விடுத்துள்ளார்.
இலங்கையில் நியமிக்கப்பட்ட வலயங்களில் மருந்து உற்பத்தி வசதிகளை நிறுவுவதற்கு இந்திய நிறுவனங்களின் கூட்டு முயற்சிகளை நிறுவுவதற்கும் முதலீடுகளை கொண்டு வருவதற்குமான வாய்ப்புகளை இலங்கை ஆராய்ந்து வருகிறமை குறிப்பிடத்தக்கது
Related posts:
|
|
|
