தேசிய நல்லிணக்கம் என்பது சரணாகதி அரசியல் அல்ல – திருமலையில் அமைச்சர் டக்ளஸ் தேவானந்தா விளக்கம்!

Saturday, June 6th, 2020

தேசிய நல்லிணக்கம் என்பது சரணாகதி அரசியல் அல்ல என்றும் நாங்கள் நாங்களாக இருந்து கொண்டு எமது அரசியல் பலத்தினூடாக எம்முடைய பிரச்சினைகளுக்கான தீர்வுகளை அணுகின்ற பொறிமுறை என்றும் தெரிவித்துள்ள அமைச்சர் டக்ளஸ் தேவானந்தா, கடந்த காலங்களில் எமக்கு கணிசமான அரசியல் பலம் கிடைக்காமையினால் குறிப்பிட்ட எல்லையைத் தாண்டி செய்ய முடியவில்லை எனவும் தெரிவித்தார்.


திருகோணமலையில் இன்று ஈழ மக்கள் ஜனநாயகக் கட்சியின் பிரதேச பொறுப்பாளர்கள், முன்னணி செயற்பாட்டாளர்களுடன் ஈழ மக்கள் ஜனநாயகக் கட்சியின் செயலாளர் நாயகமும் அமைச்சருமான டக்ளஸ் தேவானந்தா அவர்கள் தலைமையில் நடைபெற்ற விசேட கலந்துரையாடலிலேயே இதனைத் தெரிவித்த
திருகோணமலை உப்புவெளியில் அமைந்துள்ள சுவர்கா விருந்தினர் விடுதியில் சுகாதார தரப்பினரின் அறிவுறுத்தல்களையும், சமூக இடைவெளி என்பவற்றையும் அனுசரித்து நடைபெற்ற குறித்த கூட்டத்தில் மேலும் கருத்து தெரிவித்த அமைச்சர் டக்ளஸ் தேவானந்தா, எதிர்காலத்தில் ஈழ மக்கள் ஜனநாயகக் கட்சிக்கு கணிசமான வாக்குகளும் கணிசமான ஆசனங்களும் கிடைத்தால் எமது மக்கள் எதிர்கொள்ளுகின்ற பிரச்சினைகளுக்கு தீர்வினைப் பெற்றுக் கொள்ள முடியும் எனவும் தெரிவித்தார்.


மேலும், தற்போதைய அரசாங்கத்துடன் பேசுவதற்கு தயாராக இருப்பதாக கூட்டமைப்பினர் அண்மைக் காலமாக தெரிவித்து வருகின்றமையை சுட்டிக் காட்டிய அமைச்சர் டக்ளஸ் தேவானந்தா, இந்த நிலைப்பாட்டை கூட்டமைப்பினர் முன்னரே மேற்கொண்டிருந்தால் பல அழிவுகளை தடுத்து நிறுத்தியிருக்கலாம் எனவும் தன்னுடைய ஆதங்கத்தினை வெளிப்படுத்தினார்
ஈழ மக்கள் ஜனநாயகக் கட்சியின் கிழக்கு பிராந்திய அமைப்பாளரும் திருமலை மாவட்ட தலைமை வேட்பாளருமான எம்.ஐ. ஸ்ராலின் மற்றும் திருகோணமலை மாவட்ட அமைப்பாளர் த.புஸ்பராசா ஆகியோர் கலந்து கொண்ட இன்றைய கலந்துரையாடலில், எதிர்வரும் பொதுத் தேர்தல் பிரசார நடவடிக்கைகள் தொடர்பாகவும் மக்கள் எதிர்கொள்ளும் பல்வேறு பிரச்சனைகள் தொடர்பாகவும் கலந்துரையாடப்பட்டமை குறிப்பிடத்தக்கது.

Related posts:

மக்களும் நாமும் எதிர்பார்த்தது போல உள்ளூராட்சி சபைகள் செயற்படாதுவிடின் எதிர்க்கத் தயங்கமாட்டோம் -  ச...
அரசு நல்லிணக்கத்தை வெளிப்படுத்த தமிழ் அரசியல் கைதிகளை விடுவிக்கவேண்டும் - டக்ளஸ் எம்.பி தெரிவிப்பு!
ஊரடங்கு நேரத்தில் பிடிக்கப்படும் கடலுணவுகளை இறக்குவதற்கும் சந்தைப்படுத்துவதற்கும் நடவடிக்கை – அமைச்ச...

தமிழ் மக்களின் உரிமைக்காக தொடர்ச்சியாக நாடாளுமன்றில் குரல்கொடுப்பவர் டக்ளஸ் தேவானந்தா மட்டுமே  - வடக...
மன்னார் பனங்கட்டி கொட்டு கிராமிய அமைப்பு பிரதிநிதிகள் அமைச்சர் டக்ளஸ் தேவானந்தா அவர்களுடன் சந்திப்பு...
அமைச்சர் டக்ளஸ் தேவானந்தாவின் நடவடிக்கை - யாழ் – கிளிநொச்சி இடையே அடுத்த வாரம்முதல் விசேட புகையிரத ச...