தமிழ் வரலாற்றுப் பாடநூல்களின் குறைகளையகற்ற ஆலோசனைக் குழு!

unnamed (3) Wednesday, April 19th, 2017

பாடசாலை மாணவர்களுக்கான தமிழ் வரலாற்றுப் பாடநூல்களில் தமிழர்களினதும், தமிழ் மன்னர்களினதும் உண்மையான வரலாறுகளை உள்ளடக்குவதற்கும், தமிழ் மொழியிலேயே பாடங்கள் எழுதப்படுவதற்கும் ஏதுவாக பாடத் தயாரிப்பிற்கென துறைசார் தகைமை கொண்டவர்களை உள்ளடக்கிய குழுவொன்றை அமைப்பதற்கும், அக்குழுவுக்கு ஆலோசனை வழங்குவதற்கென துறைசார் நிபுணர்கள் அடங்கிய ஆலோசனைக் குழுவொன்றை அமைப்பதற்கும் இன்றைய தினம் தீர்மானிக்கப்பட்டது.

நாடாளுமன்ற உறுப்பினர் டக்ளஸ் தேவானந்தா அவர்கள் ஏற்கனவே இவ்விடயம் தொடர்பில் நாடாளுமன்றத்தில் சுட்டிக்காட்டியமைக்கு அமைவாக ஏற்கனவே இரண்டு கலந்துரையாடல்கள் நடைபெற்ற நிலையில் நேற்றைய தினம் (18) மாலை கல்வி அமைச்சில் மேலுமொரு கலந்துரையாடல் இடம்பெற்றபோதே இத் தீர்மானம் எட்டப்பட்டுள்ளது.

மேற்படிக் குழுக்களை அமைப்பதற்கு முன்பதாக, ஆலோசனைக் குழு ஒன்றை அமைத்து மேற்படிக் குழுக்கள் மேற்கொள்ளப்பட வேண்டிய ஏற்பாடுகள் தொடர்பில் வரைபு ஒன்றைத் தயாரிப்பதெனவும், பின்னர் அந்த வரைபினை முன்வைத்து பாடத்திட்டங்கள் மற்றும் பரீட்சை வினாத்தாள்களைத் தயாரிப்பதென்றும் இதன்போது இணக்கப்பாடு எட்டப்பட்டமை குறிப்பிடத்தக்கது.

மேற்படி கலந்துரையாடலில் கௌரவ டக்ளஸ் தேவானந்தா அவர்களது தலைமையில் பேராசிரியர்  சி. பத்மநாதன், பேராசிரியை கிருஸ்ணவேணி, ஆய்வாளர்களான நந்தினி,  இந்திரகுமார் ஆகியோரும், கௌரவ இராஜாங்க அமைச்சர் வீ. இராதாகிருஸ்ணன் அவர்களது தலைமையில் கல்வி அமைச்சு அதிகாரிகளும் கலந்து கொண்டமை குறிப்பிடத்தக்கது.

unnamed (3)


ஈழ மக்கள் புரட்சிகர விடுதலை முன்னணியின் தேசிய மாநாடு குறித்து தோழர் டக்ளஸ் தேவானந்தா வழங்கிய ஆசிச்செ...
அதிகளவு அரச ஊழியர்கள் இருந்தும் மக்களது தேவைகள் தீர்க்கப்படாதிருப்பது ஏன் - நாடாளுமன்றில் டக்ளஸ் தேவ...
வேலணை வைத்தியசாலையை தள வைத்திசாலையாக தரமுயர்த்த வேண்டும் -நாடாளுமன்றத்தில் டக்ளஸ் தேவானந்தா வலியுறுத...
வறட்சியால் பாதிக்கப்பட்டுள்ள வடபகுதி மக்களுக்கான தீர்வு என்ன? : டக்ளஸ் தேவானந்தாவின் கேள்விக்கு அமைச...
MGR ஜனன தின நிகழ்வில் டக்ளஸ் தேவானந்தா கலந்து சிறப்பிப்பு!
30595327_1734584803247266_6799777560008851456_n

போற போக்கைப் பார்த்தா நம்மிட பிறந்த தினங்களையும் மாத்திப்போடுவாங்க போல இருக்கு!…