தமிழ் தேசிய கூட்டமைப்பினர் யாருக்காக ஜெனீவா சென்றார்கள்? நாடாளுமன்றில் கேள்வி எழுப்பிய டக்ளஸ் தேவானந்தா!

Tuesday, March 26th, 2019

2017இல் இரு வருட கால அவகாசத்திற்கு பின் அப்போதும், ஐக்கிய நாடுகள் சபையின் மனித உரிமை ஆணையாளர், இலங்கையானது ரோம் சட்டத்தில் கையெழுத்திட வேண்டும், சர்வதேச நியாயதிக்கத்தை கோர வேண்டும் என பரிந்துரைத்துள்ளார். இப்போதும் 2019இலும், அதே விடயத்தைத் தான் பரிந்துரைத்துள்ளார். 2021இலும் ஐக்கிய நாடுகள் சபையின் கண்காணிப்பு இதைத் தவிர வேறு என்ன சொல்லப் போகுது” என கேள்வி எழுப்புகின்ற தமிழ் சமூகமானது, இன்றளவில் தமிழ்த் தேசியக் கூட்டமைப்பின் போலி வேடகங்களை அம்பலப்படுத்தியுள்ளமையானது பாதிக்கப்பட்டுள்ள எமது தமிழ் மக்களுக்குக் கிடைத்துள்ள முதலாவது வெற்றி என்றே கூற வேண்டும். அதேவேளை, அத்தகைய மாற்றுக் கருத்துக்களை பிரசுரித்திருந்த எமது தமிழ் ஊடகங்களும் பாராட்டப்பட வேண்டியவையே ஆகும் என ஈழமக்கள் ஜனநாயகக் கட்சியின் செயாளர் நாயகம் டக்ளஸ் தேவானந்தா தெரிவித்துள்ளார்.

2019 ஆம் ஆண்டுக்கான பாதீடு தொடர்பில் நாடாளுமன்றில் நடைபெற்ற வெளிநாட்டலுவல்கள் அமைச்சு, சுற்றுலாத்துறை அபிவிருத்தி, வனஜீவராசிகள் மற்றும் கிறிஸ்தவ சமய அலுவல்கள் அமைச்சு ஆகிய அமைச்சுகள் தொடர்பிலான குழுநிலை விவாதத்தில் கலந்து கொண்டு, உரையாற்றுகையிலேயே அவர் இவ்வாறு தெரிவித்தார்.

இதுதொடர்பில் அவர் மேலும் தெரிவிக்கையில் –

அதேநேரம், வடக்கு ஆளுநர் ஜெனீவா செல்கின்ற வேளையில், ‘வடக்கு ஆளுநர் ஜனாதிபதியின் முகவர் என்றும், தமிழருக்காக அவர் ஜெனீவா செல்வதா? என்றும் அவருக்கு எதிராக மாற்று நடவடிக்கை எடுக்கப்படுமென்றும் கூறியிருந்த தமிழ்த் தேசியக் கூட்டமைப்பினர், யாருக்காக ஜெனீவா சென்றார்கள்? எனக் கேள்வி எழுப்புகின்ற எமது மக்கள், தமிழ்த் தேசியக் கூட்டமைப்பிற்கு எதிராக மாற்று நடவடிக்கை எடுக்க தற்போது தயாராகிவிட்டார்கள் என்பதையே நான் இங்கு சுட்டிக்காட்ட விரும்புகின்றேன்.

Related posts:

எதிர்ப்புக்காட்டுவதனூடாக மக்கள் நலன்சார்ந்த திட்டங்கள் எதனையும் சாதிக்க முடியாது - செயலாளர் நாயகம் ...
நாம் குற்றவாளி அல்ல சுற்றவாளி என்பதை நீதிமன்றத் தீர்ப்பு நிரூபித்துள்ளது - யாழில் ஊடகவியலாளர் மத்திய...
மக்களின் நலன்களை வென்றெடுக்க ஒன்றுபட்டு உழைப்போம் – செயலாளர் நாயகம் டக்ளஸ் தேவானந்தா தெரிவிப்பு!

வவுனியாவில் ஈழ மக்கள் ஜனநாயகக் கட்சியின் வட்டார அலுவலகம் செயலாளர் நாயகம் டக்ளஸ் தேவானந்தா அவர்களால் ...
பேலியகொட மீன் சந்தையின் இடையூறுகளை களைவதற்கு நடவடிக்கை - அமைச்சர்களான டக்ளஸ் - ஜோன்ஸ்ரன் நேரடிக் கள ...
அமைச்சர் டக்ளஸ் தேவானந்தா அவர்களால் கடல் பாசி செய்கையை ஊக்குவிக்கும் வகையில் தெரிவு செய்யப்பட்ட பயன...