தமிழ், இந்து சமய பாடநூல்கள் தொடர்பில் ஆக்க மற்றும் ஆலோசனைக் குழுக்கள் அமைப்பதற்கு தீர்மானம்!

unnamed (2) Wednesday, April 19th, 2017

பாடசாலை மாணவர்களுக்கான இந்து சமய பாடநூல்களில் காணப்படுகின்ற எண்ணக்கரு பிழைகள், எழுத்து, சொல், பொருட் பிழைகள், பொருத்தமற்ற தெளிவற்ற மொழிநடை, மிக நீண்ட பாட விடயப் பரப்பு, கூறியது கூறல், ஒருங்கிணைப்பு இன்மை, முன்னுக்குப் பின் முரணான பல விடயங்கள் அடங்கிய பாடங்கள், அவசியமற்ற விடயங்கள், தெளிவற்ற விளக்கங்கள் போன்ற பல்வேறு விடயங்கள் தொடர்பில் நாடாளுமன்ற உறுப்பினர் கௌரவ டக்ளஸ் தேவானந்தா அவர்கள், கல்வி இராஜாங்க அமைச்சர் கௌரவ வீ. இராதாகிருஸ்ணன் அவர்களது அவதானத்திற்குக் கொண்டு வந்ததன் பயனாக ஏற்கனவே ஒரு கலந்துரையாடல் கல்வி அமைச்சில் நடைபெற்றிருந்த நிலையில், நேற்றைய தினம் (18) காலை இரண்டாவது கலந்துரையாடல் இடம்பெற்றிருந்தது.

இதன்போது மேற்படி விடயங்கள் தொடர்பில் பல்வேறு கருத்துக்கள் முன்வைக்கப்பட்டதுடன், தமிழ் பாடத்திலும் குறைகள் நிலவுவது சுட்டிக்காட்டப்பட்டது.

எனவே, இனிவரும் காலங்களில் இவ்வாறான குறைபாடுகளை நிவர்த்திக்கும் வகையில் இவ்விரு பாடங்களையும் தயாரிப்பதற்கென, மாகாண மட்டத்தில் ஆசிரிய ஆலோசகர்கள், உதவிக் கல்விப் பணிப்பாளர்கள் மற்றும் பல்கலைக்கழக விரிவுரையாளர்கள், தேசிய கல்வி நிறுவகம், கல்வி வெளியீட்டுத் திணைக்களம், பரீட்சைகள் திணைக்களம் ஆகியவற்றின் அதிகாரிகள் அடங்கியதாக குழு ஒன்றை அமைப்பதற்கும், இந்தக் குழுவுக்கு ஆலோசனை வழங்கும் வகையில் துறை சார் நிபுணர்களைக் கொண்ட ஆலோசனைக் குழு ஒன்றை அமைப்பதற்குமான தீர்மானங்கள் எட்டப்பட்டன.

மேற்படி கலந்துரையாடலில் கௌரவ டக்ளஸ் தேவானந்தா அவர்களது தலைமையில் பேராசிரியர் சி. பத்மநாதன், பேராசிரியை கிருஸ்ணவேணி, கலாநிதி  ரகுவரன், ஆசிரிய ஆலோசகர் திருமதி பாலசிங்கம், ஆய்வாளர்களான  நந்தினி, த. மனோகரன், இந்திரகுமார் ஆகியோரும் கௌரவ இராஜாங்க அமைச்சர் வீ. இராதாகிருஸ்ணன் அவர்களது தலைமையில் கல்வி அமைச்சினதும், திணைக்களங்களினதும் அதிகாரிகளும் கலந்து கொண்டனர்.

 

 


மாற்றம் ஒன்றுக்காக மக்களுக்கு சரியான வழியைக் காட்டுங்கள் கட்சி உறுப்பினர்களுக்கு செயலாளர் நாயகம் வி...
கேப்பாபுலவு மக்களின் போராட்டத்திற்கு கிடைத்த மகத்தான வெற்றி - டக்ளஸ் தேவானந்தா எம்.பி. மகிழ்ச்சி தெர...
கொழும்புப் பல்கலையில் தமிழ் துறை இல்லாமை தேசிய கௌரவத்திற்கு பாதிப்பாக இருப்பதாகவே நான் கருது கின்றேன...
படைகளும், பொலிசாரும் அந்தந்த மாவட்டங்களின் இன விகிதாசாரத்திற்கு ஏற்ப நிலை கொண்டிருத்தல் வேண்டும்!
நிரந்தர நியமனம் தொடர்பில் தொண்டராசிரியர்கள் செயலாளர் நாயகம் டக்ளஸ் தேவானந்தா அவர்களுடன் விஷேட சந்திப...
30595327_1734584803247266_6799777560008851456_n

போற போக்கைப் பார்த்தா நம்மிட பிறந்த தினங்களையும் மாத்திப்போடுவாங்க போல இருக்கு!…