எமது மக்கள் வன விலங்குகளுடன் போராடும் நிலை வரக்காரணம் என்ன?  – நாடாளுமன்றில் டக்ளஸ் எம்.பி கேள்வி!

Wednesday, May 23rd, 2018

தொல்பொருள் மிகை கொண்ட அடர்த்தியான அனுராதபுரப் பகுதிகளை டோசர் இயந்திரங்கள் கொண்டு நாசப்படுத்திவிட்டு, தவறு நடந்துவிட்டதாக கூறிக் கொள்ளும் நீங்கள், வடக்கு, கிழக்கு மாகாணங்களில் தொல்பொருள் என்ற பெயரில் பல்வேறு இடங்களை மறைத்து, தடுத்து வைத்திருக்கிறீர்கள் என ஈழ மக்கள் ஜனநாயகக் கட்சியின் செயலாளர் நாயகம் டக்ளஸ் தேவானந்தா நாடாளுமன்றில் சுட்டிக்காட்டியுள்ளார்.

தேசிய சூழல் சட்டத்தின் கீழான 7 கட்டளைகள் தொடர்பில் நாடாளுமன்ற விவாதத்தில் கலந்துகொண்டு உரையாற்றுகையிலேயே அவர் அவ்வாறு தெரிவித்துள்ளார் –

இதுதொடர்பில் அவர் மேலும் தெரிவிக்கையில் –

இதே போன்று, பாதுகாக்கப்பட்ட வனப் பகுதிகள் எனப் பெயரிட்டுள்ள பல வனங்களிலிருந்து பாரியளவில் மரங்கள் வெட்டப்பட்டு, கடத்தப்படுகின்றன. இந்த நிலையில் நாட்டின் வன அடர்த்தியை அதிகரிக்கப் போவதாகக் கூறுகிறீர்கள்.

வனங்கள் அழிக்கப்பட்டு, இன்று பல மாவட்டங்களில் மக்கள் அன்றாடம் வன விலங்குகளுடன் போராடிக் கொண்டே வாழ வேண்டிய நிலை ஏற்பட்டிருக்கின்றது. அதுமட்டுமல்லாது, விவசாய செய்கைகள் நாளாந்தம் பாரியளவில் அழிக்கப்பட்டு வருகின்றன.

சூழலைப் பாதுகாப்பதற்கு மரக் கன்றுகள் நடுவதாகக் கூறி, ஆயிரக் கணக்கில் நடப்பட்டாலும், நாட்டிய பின்னர் அவற்றைப் பராமரிப்பதற்கு எவருமின்றி, அவை கருகியும், கால்நடைகளுக்கு உணவாகியும் மறைந்து விடுகின்றன.

அடர்ந்த பாதுகாப்பு வனங்களில் எல்லாம் மரங்களை வெட்டிக் கொண்டு, எமது பகுதிகளில் எமது மக்களது வாழ்வாதார, குடியிருப்பு பகுதிகளை எல்லாம் வன இலாக்காவுக்குச் சொந்தமானவை என எல்லைகள் இடுகின்ற பரிதாப நிலையைக் காணக்கூடியதாகவுள்ளது என தெரிவித்தார்

 


முப்படைகளுக்குமான ஆளணியின்போது இன விகிதாசாரம் பேணப்பட வேண்டும் -  நாடாளுமன்றில் டக்ளஸ் தேவானந்தா வல...
கரடிப்பூவல் கிராம மக்களின் உடனடித் தேவைகளை பூர்த்தி செய்வதற்குரிய நடவடிக்கைகளை எடுக்க முடியுமா? - நா...
பொருட்களின் விலையேற்றங்கள் எமது மக்களின் நாளாந்த வாழ்க்கைக்கு பாரிய அச்சுறுத்தல் விடுத்துள்ளது - டக்...
போதைப்பொருள் வியாபாரிகளின் இலக்கு பாடசாலை மாணவர்களாகவே இருக்கிறது – நாடாளுமன்றில் டக்ளஸ் எம்.பி. சுட...
தேசிய பாதுகாப்பு தெரு நாடகமானால் முதலீட்டாளர்கள் திரும்பியும் பார்க்கமாட்டார்கள் - டக்ளஸ் எம்.பி. நா...