ஊடகங்கள் மீதான அராஜகங்கள் அனைத்துக்குமான பழி ஈ.பி.டி.பி. மீது சுமத்தப்பட்டது. – மூத்த ஊடகவியலாளர் ஒப்புதல் வாக்குமூலம்!

Wednesday, September 1st, 2021

‘செல்லும் செல்லாத அனைத்துக்கும் செட்டியார் தலை’ என்பது போன்று, கடந்த காலங்ளில் தமிழ் ஊடகங்கள் மீது  மேற்கொள்ளப்பட்ட அனைத்து  அராஜகங்களுக்கும் பழி சுமத்தப்படும் நிலைக்கு அமைச்சர் டக்ளஸ் தேவானந்தா ஆளானதாக மூத்த ஊடகவியலாளர் ந. வித்தியாதரன் தெரிவித்துள்ளார்.

கடந்த கால சம்வங்களை மீட்கும் வகையில் சிரேஸ்ட ஊடகவியலாளரினால் காலைக்கதிர் பத்திரிகையில், எழுதப்பட்டு வருகின்ற வரலாற்று தொடரிலேயே குறித்த விடயம் தெரிவிக்கப்பட்டுள்ளது.

80 களின் நடுப் பகுதியில் செயற்பட்டு வந்த விடுதலைப் போராட்ட இயக்கங்ளின் மத்தியில் வசீகரமான  இராணுவத் தளபதியாக வலம் வந்த அமைச்சர் டக்ளஸ் தேவானந்தா, அக்கால கட்டத்தில் யாழ். குடா நாட்டில் இருந்து வெளியாகிய பத்திரிகைகளை பாதுகாப்பதற்காக மேற்கொண்ட  துணிச்சலான நடவடிக்கையையும் குறித்த தொடரில் ஊடகவியலாளர் வித்தியாதரன் பதிவு செய்துள்ளார்.

மேலும், அக்காலத்தில் பிராந்தியப் பத்திரிகைகளை பாதுகாப்பதற்காக தீர்க்கரிசனத்துடன் செயற்பட்ட தற்போதைய அமைச்சர் டக்ளஸ் தேவானந்தா மீது பிற்பட்ட காலத்தில், ஊடகங்கள் மீது நடத்தப்பட்ட அராஜகங்கள் அனைத்துக்குமான பழியை சுமத்தும் நிலைக்கு ஆளானதாகவும் தன்னுடைய ஆதங்கத்தினை வெளிப்படுத்தியுள்ளார்.

கடந்த சில வருடங்களுக்கு முன்னர் தன்னுடைய பிறந்த நாள் நிகழ்வில், புலிகளின் காலத்தில் தம்மால் மேற்கொள்ளப்பட்ட சில செயற்பாடுகள் தொடர்பாக ஒப்புதல் வாக்குமூலம் அளிக்க விரும்புவதாக தெரிவித்து, சில உண்மைகளை வெளிப்படுத்திய ஊடகவியலாளர் வித்தியாதரன், எதிர்காலத்தில் அவ்வப்போது மேலும் பல ஒப்புதல் வாக்கு மூலங்களை வெளியிடவுள்ளதாக தெரிவித்திருந்த நிலையில், அமைச்சர் டக்ளஸ் தேவானந்தா தொடர்பான கருத்தினை வெளியிட்டுள்ளமை குறிப்பிடத்தக்கது.

அனைத்தும் அமைச்சர் டக்ளஸ் தேவானந்தா மீதும் அவரது கட்சியான ஈ.பி.டி.பி. மீதும் சுமத்தப்பட்டதாகவும் மூத்த ஊடகவியலாளரான ந.வித்தியாதரன் தெரிவித்துள்ளார்

000

Related posts:

ஆணைக் குழுக்கள் என்ற பெயரில் மக்களின் பணம் வீணடிக்கப்பட்டுக் கொண்டிருப்பதை ஏற்றுக் கொள்ள முடியாது - ...
யாழ் மாவட்டத்திற்குள் நிர்க்கதியாக இருப்பவர்கள் தத்தமது சொந்த இடங்களுக்கு மீளவும் செல்ல முடியும் - அ...
கடல்சார் அனர்த்த முகாமைத்துவ நிலையமொன்றை நிறுவுவதற்கு நடவடிக்கை – அமைச்சர் டக்ளஸ் அறிவிப்பு!

காணி விடுவிப்பில் அரசின் செயற்பாடு மந்தமானது - நாடாளுமன்றில் டக்ளஸ் எம்.பி சுட்டிக்காட்டு!
பயனாளிகளுக்கு நியாய விலையில் மணல் கிடைக்க ஏற்பாடுகள் முன்னெடுக்கப்பட வேண்டும் - நாடாளுமன்றில் டக்ளஸ்...
தேர்தல் விஞ்ஞாபனத்தில் தமிழ் மக்களுக்கான தீர்வுகளை பெற்றுக்கொள்ளும் வழிமுறைகள் நிறையவே உள்ளன - வவுன...