உதயன் பத்திரிகை நிறுவனத்திற்கு எதிரான மற்றுமொரு மானநஷ்ட வழக்கிற்கு பிரசன்னமானார் டக்ளஸ் தேவானந்தா!

Monday, June 25th, 2018

உதயன் பத்திரிகை நிறுவனத்திற்கு எதிராக ஈழ மக்கள் ஜனநாயகக் கட்சியின் செயலாளர் நாயகம் டக்ளஸ் தேவானந்தா அவர்களால் தொடரப்பட்ட மற்றுமொரு மானநஷ்ட வழக்கு இன்றையதினம் விசாரணைக்கு எடுத்துக்கொள்ளப்பட்ட நிலையில் எதிர்வரும் செப்ரெம்பர் மாதம் 25 ஆம் திகதிக்கு ஒத்திவைக்கப்பட்டது.

மேற்படி வழக்கு விசாரணை இன்றைய தினம் (25) யாழ். மாவட்ட நீதிமன்றத்தில் நீதிபதி இராமகமலன் முன்னிலையில் விசாரணைக்காக எடுத்துக் கொள்ளப்பட்டது.

உதயன் பத்திரிகையில் வெளிவந்த உண்மைக்குப் புறம்பான செய்தி தொடர்பில் குறித்த பத்திரிகை நிறுவனத்திற்கு எதிராக 1000 மில்லியன் ரூபா நஷ்டஈடு கோரி டக்ளஸ் தேவானந்தா மானநஷ்ட வழக்கு தொடுத்திருந்தார்.

குறித்த வழக்கு விசாரணை இன்றைய தினம் எடுத்துக் கொள்ளப்பட்டபோது டக்ளஸ் தேவானந்தா தரப்பில் சட்டத்தரணி அப்துல் நஜீம் ஆஜராகியிருந்ததுடன் மீள் விசாரணைகளையும் மேற்கொண்டிருந்தார்.

இதேவேளை உதயன் பத்திரிகை நிறுவனத்திற்கு எதிராக டக்ளஸ் தேவானந்தாவால் தாக்கல் செய்யப்பட்ட மற்றுமொரு மானநஷ்ட வழக்கில் யாழ் மாவட்ட நீதிமன்றம் டக்ளஸ் தேவானந்தா அவர்களுக்கு சார்பாக தீர்ப்பு வழங்கி நட்ட ஈடாக 2 மில்லியன் ரூபாயை உதயன் பத்திரிகை பிரசுரப்பாளரான நியூ உதயன் பப்ளிகேசன் பிரைவேட் லிமிடெட் வழங்கியிருந்தது குறிப்பிடத்தக்கது.

DSC_0006

DSC_0013

DSC_0016

Related posts:


முழங்காவில் படித்த வாலிபர் திட்டக் காணிப் பிரச்சினைக்கு தீர்வுகாண டக்ளஸ் தேவானந்தா முயற்சி!
எமது மக்களின் பிரச்சினைகள் குறித்து நேரில் ஆராய வேண்டும்: அமைச்சர் சரத் பொன்சேகாவிடம் டக்ளஸ் தேவானந்...
வட்டுக்கோட்டையில் இரு குழுக்களுக்கு இடையில் நடைபெற்ற மோதல் சம்பவத்திற்கும் ஈ.பி.டி.பி க்கும் எந்தத் ...